影片
更多
2019-01-19
54 瀏覽
男朋友睇埋d戲都好冷門，搞到成日都要去百老匯睇。是日又再次去係油痲地電影中心，睇完戲就係油痲地佐敦一帶覓食。Openrice完一輪之後，就決定黎呢間好多好評既火鍋店打邊爐。黎到見到個小型酒窖係門口，原來呢度紅白酒都係任飲，可惜我地第二日都要返工，所以就無揀呢個套餐。湯底選擇係火鍋店黎講都算多，最後揀左鴛鴦湯底。黎到已經聞到沙爹湯底既香氣，飲落味道非常濃郁；清湯飲落好清甜，落玉米等蔬菜簡直係一流。最平套餐$198都有5款刺身，刺身幾新鮮，而且唔係比一般最平價既三文魚你。肥牛黑豚肉呢D亦係火鍋必備。不得不提既係魚蛋非常彈牙，而且唔係好似出面用麵粉扮魚蛋，係好足料好有魚味，難怪個menu話必試。鮮蝦雲吞又係一流，平時去麥x記鍋幾粒雲吞都收你$50啦，呢度仲可以任食。另外，服務員服務態度好好，見佢地同d客有講有笑，有好多熟客咁，淨係呢點就知呢間火鍋店一定唔差啦，如果唔係邊有咁多熟客。
黎到見到個小型酒窖係門口，原來呢度紅白酒都係任飲，可惜我地第二日都要返工，所以就無揀呢個套餐。
湯底選擇係火鍋店黎講都算多，最後揀左鴛鴦湯底。黎到已經聞到沙爹湯底既香氣，飲落味道非常濃郁；清湯飲落好清甜，落玉米等蔬菜簡直係一流。
最平套餐$198都有5款刺身，刺身幾新鮮，而且唔係比一般最平價既三文魚你。
肥牛黑豚肉呢D亦係火鍋必備。不得不提既係魚蛋非常彈牙，而且唔係好似出面用麵粉扮魚蛋，係好足料好有魚味，難怪個menu話必試。鮮蝦雲吞又係一流，平時去麥x記鍋幾粒雲吞都收你$50啦，呢度仲可以任食。
另外，服務員服務態度好好，見佢地同d客有講有笑，有好多熟客咁，淨係呢點就知呢間火鍋店一定唔差啦，如果唔係邊有咁多熟客。
張貼
