板長壽司 (屯門時代廣場) (已結業)

買左堆外賣壽司，外賣既選擇比堂食少，亦限左兩件兩件。返到屋企打開睇，好感恩無執漏到，見到壽司都分晒類咁擺，雖然好多浪費好多膠盒（之後全部洗乾淨拎左去回收箱回收），但拎到返屋企都keep得好靚仔無散晒，豉油都俾左兩大兜！個拖羅出晒事！顏色係變左半生熟肥牛咁既色，好明顯已經係唔得，擺埋入口，有異味！壞架！仲賣俾人！都唔銷毀...有無搞錯！仲要食到有片魚鱗！個加洲卷入面粒牛油果呢？變左醬咁...差少少搵唔到...以後買外賣真係除左要數下齊唔齊，仲要睇下佢會唔會俾壞左既魚生你