Fame Deli

營業中

休息中

呢間餐廳係公司附近，聽同事講係抵食既西餐。不過次次經過都好多食客，每次都係望住咁多人等所以放棄，但今日決心黎呢間餐廳試一試，12點45左右到都要等超過15分鐘。 入到去見到好多食客都order左招牌香煎美國自然豬梅肉扒，所以叫左一客，另外再叫多個白酒煮蜆長通粉同同事share。套餐已經包左湯/沙律、主菜、甜品同飲品。香煎美國自然豬梅肉扒 ($98) 賣相非常吸引，可以簡飯/意粉/薯菜，我地簡左薯菜，原來係薯蓉黎！薯蓉都幾多，食落都幾creamy。豬扒好大塊，不柴都算juicy。2個人share 都好夠食。白酒煮蜆長通粉 ($68) 賣相一般，酒味都幾香，美中不足係D蜆有少少沙，扣左少少分，但整體黎講都ok!最後甜品可以選擇木糠布甸或雪糕，同事簡左咖啡及伯爵茶雪糕，我簡左木糠布甸。木糠布甸絲滑，鮮奶油奶味都算濃。美中不足係餅底濕得濟，不過整體都ok。