露營生活

營業中

休息中

今晚去咗銅鑼灣一間有露營主題的餐廳。餐廳無論係室內或室外都有露營的特色。想自己郁手燒可以揀燒烤，懶得郁手又可以揀食串燒。我都係覺得自己燒烤有氣氛啲。只要用手機掃二維碼就可以落單喇！🔸日本枝豆用水煮的枝豆加點鹽，枝豆口感清爽。🔸宮崎和牛赤身唔想咁油膩，就揀咗食和牛赤身，估唔到幾高質喎！✨赤身肉肉質結實而腍滑，肉味濃郁。✨龜之子脂肪較少，肉質嫩滑，帶有油分但唔會油膩。✨後腰背肉上蓋油花比較多，肉質超軟，口感綿滑，肉汁豐富。✨內側後腿肉肉質較瘦，纖維較多，油脂少。✨後腰背肉肉質較有韌性。🔸赤雞上腿肉（柚子醬油味）雞腿肉腿肉很嫩滑，柚子醬油味很濃，胡椒味很香。🔸野菜燒物拼盤✨南瓜很甜唔粉；✨意大利瓜，平時食會食到苦味，估唔到今次燒呢個瓜是鮮甜；✨杏鮑菇軟滑，還帶點汁；✨冬菇香味十足又多汁；✨粟米燒耐咗，雖乾身但超甜美；✨菠蘿清甜；✨秋葵口感比較乾。可以喺鬧市中體驗露營生活，真係賞心樂事。