喜膳燒

營業中

休息中

位於尖沙咀黃金地段的位置比我搵到間高CP值的居酒屋式串燒店。海鮮叫左蟶子皇同大扇貝，好大隻同新鮮，蒜蓉調味仲得好好，唔會蓋過海鮮嘅鮮味。明太子釀雞翼唔係好多地方有，試左真係唔錯，好夾。同埋煙肉韭菜卷亦好岩配酒或者飲野。仲試左 燒火辣牛肚，鍾意食辣嘢嘅一定要試下，真係辣得好過癮。鹽燒牛肩胛同金菇肥牛卷調味好有日本風味，肉類的肉質都好新鮮，唔會過韌或者太鬆散，沙嗲雞肉串完全唔鞋，雞肉夠滑。佢地仲會用一塊熱石嚟暖住d串燒，所以唔怕傾計耐左會凍哂。呢間舖好岩同朋友傾計食野。