LY彌敦冰室

營業中

休息中

今朝早上去尖沙咀換旅遊證件，之後到中午十二點先在油麻地有行程，十點四十分左右，行咗成半條彌敦道終於搵到個好好地嘅地方坐低，一入到嚟，啲姐姐同哥哥都好友善咁招呼我坐低，點好餐之後，好快就有得食，份餐嚟到，個哥哥輕輕掂一掂枱邊個櫃桶，話我知要糖的話喺呢度。由於我完全唔趕時間我就好細心咁觀察吓呢間餐廳，發覺佢都有啲熟客，仲聽到有個熟客，平時係食麵，今日改咗通心粉，佢哋怕自己落錯單，個客嚟到攞嘅時候仲專登問一問佢。啲樓面哥哥姐姐冇圍爐喺度高談闊論自己傾計，反而好留意每個客人嘅需要，我食食下想要胡椒粉，個胡椒粉喺旁邊張枱，我望一望樽胡椒粉，放低手上嘅刀叉之際，嗰個哥哥就走上嚟遞咗個樽胡椒粉俾我！留意返當時間舖頭係七成滿的！之後我再見到有個婆婆入嚟，佢哋都好好，同婆婆講：「婆婆好聲行呀」，跟住再放慢語速咁樣問佢幾多位，真心感動！