碧儷苑·精點粵菜 (擺花街)

營業中

休息中

最近同屋企人喺中環食晚飯，搵到間新開嘅中餐廳，環境高雅，坐得十分舒適杏汁白肺湯真係非常足料又滋補，以優質南北杏製作滋潤杏汁，口感香濃幼滑👍🏻推介必食豉油虎蝦煎腸粉😋有冇試過食一味餸嗰個焦點唔係海鮮而係下面嘅豉油王腸粉？因為個腸粉真係太好食啦！腸粉吸收晒虎蝦同埋甜豉油嘅精華，煎得香口又入味👍🏻另外一樣非常出色嘅主菜係流浮山三寶蒸海斑球——清蒸完全帶出斑球嘅新鮮，只需些少調味及葱油，加上魚仔乾，既新鮮又好味😋最後以超級可愛嘅冰凝小企鵝畫上完美句號，小企鵝踩着乾冰下面冒出濃濃嘅白煙，唔好錯過呢個打卡嘅機會！完全係可愛到唔捨得食佢啊，估唔到中餐廳都有咁精緻可愛嘅點心😃大家唔好錯過❤️