鳥福 (已結業)

今晚試咗一間性價比極高嘅Sake Bar，佢嘅Sake種類非常多，而且店員都對啲Sake非常熟悉，不過更加重要嘅就係佢地嘅串燒性價比極高，以下就係我哋今晚試咗嘅串燒：鹽燒鹿兒島薩摩和牛小牛排：佢呢度係日本和牛，同埋呢間舖頭攞晒鹿兒島薩摩嘅證書，牛肉味香得嚟又唔會韌，真係抵食。岩鹽燒牛舌芯：牛舌芯當然好食過就咁牛脷好多啦，牛舌芯係成條牛脷最軟熟嘅部份，用來做串燒真係彈牙好食，$4佢哋選用澳洲牛脷，又係好抵食。單骨燒雞翼：雞翼入面嘅肉燒到剛剛熟夠juicy，雞翼皮燒到香脆，火候嘅控制真係好考師傅功夫。雞皮廣島蠔：雞皮包住廣島蠔黎燒，味道又唔錯喎，雞皮燒到脆卜卜，廣島蠔就琳琳地，咬落去口感同味道都唔錯，唔會為創新而創新。冰豆腐串燒：成日覺得冰豆腐應該要來打邊爐，原來配上好味嘅醬汁用來做串燒都幾好，清清地而且豆味好香。