影片
更多
2022-09-03
22 瀏覽
又同朋友去食omakase，今次去銅鑼灣食好嘢，好豪咁食咗個最貴嘅餐☺️真係非常值得一試，食完會覺得物有所值，我見同場幾枱都係熟客仔，味道有保證。呢度漬物有好多款，師傳開頭俾咗牛蒡、苦瓜、味噌蒜頭同新鮮海帶，後來見我哋咁鍾意食，又攞咗啲薑同蘿蔔出嚟，都好好味😍前菜:日本北海道白粟米，生食好甜。鴨胸大葱，好香好好味，葱可以中和鴨胸嘅膩，又可以突顯香味。蟹肉波波: 脆脆嘅外層加入蟹肉同薯仔沙律，甜甜哋好味。季節刺身:真鯛:上面嘅醬由魚皮、葱、菊花整嘅，好香，用真鯛包住嚟食，點啲醋汁，好醒胃，魚肉鮮嫩，正。北海道厚岸真蠔，蠔味好重，好肥美，加啲柚子皮同檸檬汁，都唔會冚過啲味。北海道象拔蚌，好彈牙呀，加入少少柚子突顯佢嘅鮮味。岩手縣石垣貝，新鮮出殼，真係好鮮甜，師傳會拍一下令佢變得蓬鬆，增加口感，好得意。帶子，微微燒過嚟，加入鮮磨嘅wasabi，同脆身紫菜，非常鮮甜。料理:蒸蛋，一開蓋就聞到柚子味，好香，上面有北海道海膽同自家製醃過嘅三文魚子，酸酸甜甜，入面仲有菇，正。北海道白蝦，用花咲蟹蓋整嘅啫喱，加上北海道海膽，同埋15年嘅鱘龍魚子，仲有金箔，非常好味非常滿足。花哨蟹肉，一片片黑色嘅係鱘龍魚
呢度漬物有好多款，師傳開頭俾咗牛蒡、苦瓜、味噌蒜頭同新鮮海帶，後來見我哋咁鍾意食，又攞咗啲薑同蘿蔔出嚟，都好好味😍
前菜:
日本北海道白粟米，生食好甜。
鴨胸大葱，好香好好味，葱可以中和鴨胸嘅膩，又可以突顯香味。
蟹肉波波: 脆脆嘅外層加入蟹肉同薯仔沙律，甜甜哋好味。
季節刺身:
真鯛:上面嘅醬由魚皮、葱、菊花整嘅，好香，用真鯛包住嚟食，點啲醋汁，好醒胃，魚肉鮮嫩，正。
北海道厚岸真蠔，蠔味好重，好肥美，加啲柚子皮同檸檬汁，都唔會冚過啲味。
北海道象拔蚌，好彈牙呀，加入少少柚子突顯佢嘅鮮味。
岩手縣石垣貝，新鮮出殼，真係好鮮甜，師傳會拍一下令佢變得蓬鬆，增加口感，好得意。
帶子，微微燒過嚟，加入鮮磨嘅wasabi，同脆身紫菜，非常鮮甜。
料理:
蒸蛋，一開蓋就聞到柚子味，好香，上面有北海道海膽同自家製醃過嘅三文魚子，酸酸甜甜，入面仲有菇，正。
北海道白蝦，用花咲蟹蓋整嘅啫喱，加上北海道海膽，同埋15年嘅鱘龍魚子，仲有金箔，非常好味非常滿足。
花哨蟹肉，一片片黑色嘅係鱘龍魚子壓扁嘅，切成一片片，好特別。
鮑魚，師傅攞咗大大隻嘅鮑魚切片，勁彈牙，加入蟹醬，好香呀。
八爪魚腳，慢煮2小時 加入柚子胡椒醬，好好味，佢嘅口感唔係爽口，係軟綿嘅。
煙燻鰹魚，加入清新嘅柚子啫喱、生蒜、炸蔥絲、海葡萄，口感豐富。
海鰻天婦羅，口感好實好好味，就咁食都夠味，或者點少少好特別嘅醬，用櫻花蝦整嘅醬，都好香。
壽司:
深海池魚，加入三星漬，口感好好，非常新鮮
金木鯛，第一次食熟成三日嘅做法，好香好好味。
甜蝦四重奏，開邊甜蝦，最上面係剁碎嘅甜蝦，之後係蝦膏，第三層係櫻花蝦炒熟磨粉，四重享受。
野生拖羅，油香味重，加上wasabi漬，可以平衡下。
卷物:
海膽手卷，師傅親自遞上，我好小心接住，因為海膽多到滿瀉，勁勁勁滿足。
拖羅飯，呢個真係好好味，雖然食完會飽到上心口，但真係一粒米都唔想浪費，啲魚油燒完滴落啲飯度，真係好香。
湯:
碗湯真係好濃，用6斤魚熬三個鐘，再加入甘筍、洋蔥等，勁香濃勁鮮甜呀，好鍾意魚湯。
甜品:
紅豆抺茶蛋糕，蛋糕用抺茶粉整，上面啲cream好滑，甜而不漏，正。
日本蜜柑，最後食可以解一解膩。
勁滿足嘅一餐☺️師傅話好多人食過都會返嚟搵佢，果然係，真係非常豐富，非常滿足☺️決定下次帶屋企人嚟食。
張貼
