呢到嘅串燒好多選擇，有好多有特色而且係自家產品
加上坐得好舒服，又有卡位
職員服務態度好
食都食得開心，成日嚟食都唔會嫌悶
每款都係即叫即燒，每一款上枱都熱呼呼
而且店好細心，為方便客人揀到合適自己嘅口味，都會係每款食物名稱加上括號及食品風格，令客人更容易選擇喜愛食物
1)盬燒和牛牛小排(西) - 牛味好香濃，肉質剛好，唔會過熟變韌，簡單用盬燒已經帶出牛的肉香
2厚切鹽燒牛舌拖羅(日) - 厚切牛舌加上牛舌本身爽口之感，幾得意，入口啖啖爽嫩牛舌
3)芝士黑醋無花果(西) - 呢款好創新，沾上黑醋無花果輕輕一燒，香甜與酸味充斥味蕾，加上香口杏仁片同香滑芝士，口感層次豐富
4)和牛棒(配松露一口飯)(堂) -燒得香嫩和牛，加上鮮蛋黃同松露及飯同吃，口感十足，味道香濃但唔會膩
5)汁燒三黃雞氣管(堂) - 睇個名幾得意，一條條雞氣管，入口好爽脆，用上汁燒，味道剛好唔會太搶
6)鰻魚炒飯 (日)- 鰻魚燒得好香嫩，配上炒飯食，份量剛好
7)手切新鮮牛胸爽 (港) - 燒得香口，油脂滿滿
飲品選擇亦都多，不過今次唔飲啤酒，反而想飲酸酸甜甜嘅野，熱甘草柑橘蜜，好解膩又生津; 新鮮百香果烏龍茶，酸甜又清新
串燒選擇真係好多，下次都要再黎食埋其他先，而且食物高質，可以一食再食！
