影片
更多
2023-05-10
25 瀏覽
已經唔記得第幾次去炑八食韓燒了，鍾意炑八周不時都會推出新嘅韓燒組合，而且舖面乾淨，唔會成大陣油益味。最正係啲飯饌(반찬)、生菜、爐邊蛋、粟米芝士可以無限Refill !!!-鰻魚榮耀套餐(LA骨、護心肉、豬背肉、醬油五花肉、大蝦、韓牛前胸肉、梨汁雞肉、鰻魚、特級牛肋骨) $898 食得出每款肉都經過精心醃製，而且好嫩，某啲部位應有嘅韌勁同爽彈都一一食到！👍🏾至於海鮮(鰻魚、大蝦)的確鮮味十足，蝦肉彈牙; 鰻魚取材自釜山，肉質厚嫩而且冇骨，燒到佢塊皮脆脆的，充滿口感。-蟹膏醬石鍋飯$98店員會主動問駛唔駛幫我哋撈，佢一路撈一路會聽到吱吱渣渣嘅聲，證明個石鍋夠熱。蟹膏醬同埋隻蛋令整個飯好滑，配埋啲蔥蒜，非常香口。-夾心棉花糖配朱古力消化餅 $68食左咁多肉，要食返啲甜嘢！拮住粒棉花糖，喺爐度將佢烘到融融地，再用消化餅夾住一齊食，超邪惡！雪梨梳打$38 & 柚子檸檬梳打$38依家天氣咁熱，梗係要叫返兩杯夠晒清新嘅梳打！
最正係啲飯饌(반찬)、生菜、爐邊蛋、粟米芝士可以無限Refill !!!
-鰻魚榮耀套餐(LA骨、護心肉、豬背肉、醬油五花肉、大蝦、韓牛前胸肉、梨汁雞肉、鰻魚、特級牛肋骨) $898
食得出每款肉都經過精心醃製，而且好嫩，某啲部位應有嘅韌勁同爽彈都一一食到！👍🏾
至於海鮮(鰻魚、大蝦)的確鮮味十足，蝦肉彈牙; 鰻魚取材自釜山，肉質厚嫩而且冇骨，燒到佢塊皮脆脆的，充滿口感。
-蟹膏醬石鍋飯$98
店員會主動問駛唔駛幫我哋撈，佢一路撈一路會聽到吱吱渣渣嘅聲，證明個石鍋夠熱。蟹膏醬同埋隻蛋令整個飯好滑，配埋啲蔥蒜，非常香口。
-夾心棉花糖配朱古力消化餅 $68
食左咁多肉，要食返啲甜嘢！
拮住粒棉花糖，喺爐度將佢烘到融融地，再用消化餅夾住一齊食，超邪惡！
雪梨梳打$38 & 柚子檸檬梳打$38
依家天氣咁熱，梗係要叫返兩杯夠晒清新嘅梳打！
張貼
