唐坊火鍋私房菜

營業中

休息中

朋友生日，點名想食靚火鍋，咁當然要搵吓邊度坐得舒服又環境靚，再加上高質嘅火鍋店啦，位於油麻地嘅唐坊火鍋私房菜環境好 chill 🫶🏻 落地玻璃完全將旺角嘅夜景映入眼簾，加上玻璃上面一排一排嘅柔和嘅燈光，成個氣氛非常之好，而且佢嘅座位都比較闊落，所以都坐得好舒服，慶祝同埋傾偈就最適合 😍湯底揀咗藥膳花雕雞鍋，湯滾起之後再將雞加入去滾多5分鐘，雞湯一入口已經感覺到非常之鮮甜，除咗紅棗同少少藥材嘅香味之外，仲有淡淡嘅酒香，未開始食嘢已經飲咗一大碗 😋 至於雞肉份量都好多，而且都係大大嚿肉，雞翼都有淡淡的走酒香，好入味 👍🏻肉我我哋就揀咗橡果豬，店員話啲豬係食橡果大，所以肉質相對比較嫩滑，入口果然有驚喜，唔使點任何嘢其實已經好夠肉香，而且就算淥耐咗，個肉質都依然keep到好滑好軟 🤤另外叫咗手打三寶丸，一碟有牛丸、蝦丸同墨魚丸，牛丸勁 juicy，蝦丸就好彈牙，墨魚丸好鮮甜，全部都真材實料，好高質 😋 另外叫左蟹肉雲吞配水餃，一樣都係自家手工包，蟹肉雲吞幾特別，咬開有好濃嘅蟹嘅鮮甜味，水餃個皮都好薄，打邊爐嚟講真係算高質 👍🏻仲叫咗個炸響鈴，自家炸嘅響鈴除咗冇咁油膩之外，食落去豆嘅香味好重，真