Yadllie Plate 야들리애플래이트 (兆萬中心)

今日收工6點半去到仲有位，可以即時入座。同時，店員都有提返用餐時間係一個半鐘。今次分到卡位，坐得都幾舒服。上菜速度好快，食物都係熱辣辣嘅。首爾醬油無骨雞 $108炸雞會連同醃蘿蔔同薯條一齊上，無骨食用好方便，食落真係啖啖肉。炸雞唔會炸到好乾，食落都好juicy。再點埋甜甜嘅醬汁食，真係好滿足。韓式海鮮煎餅 $108煎餅就比較普通，食落感覺粉漿都比較多，而且海鮮就只有魷魚。淑女辣醬年糕 (芝士) $88年糕表面有鋪咗一層芝士碎，攪拌後可以做到拉絲既效果。年糕比較韌，而且味道唔會好辣。裡面除咗蔬菜同腐皮外，仲有幾舊炸粉絲卷。但粉絲卷淋哂，食落係韌嘅。草莓乳酪/藍莓乳酪/青檸薄荷沙冰 $58草莓同藍莓乳酪味道都好濃郁，都會有水果同忌廉做裝飾。而青檸薄荷沙冰只有薄荷嘅味道，成杯嘢都好淡，比較不推薦。