富豪坊

營業中

休息中

表姐從英國回來探親，佢住喺沙田麗豪酒店。約咗我今晚過去聚舊。我哋喺酒店嘅富豪坊食晚飯。餐廳環境高雅，燈光明亮，主打粵菜。脆皮三黃雞半隻，用了上乘的三黃雞，廚師用咗秘制脆皮雞配方，嚐到真正「外脆內軟」，外面的雞皮甘香鬆脆，內裏雞肉嫩滑帶肉汁。超正！砂鍋珍菌乾燒龍躉球，用砂鍋盛載上枱，一打開蓋已經香氣四溢，龍躉球非常大片又厚肉，肉質鮮嫩，爽滑彈牙，食落仲有豐富嘅魚油，珍菌吸收晒魚的鮮味和醬汁，美味又爽口。叉燒粒蛋白薑咪炒飯，香噴噴夠曬鑊氣，蛋白、薑米、叉燒與白飯合炒甘香鮮美，每一口都滋味非凡，令人食不停口。最後還有紫米糖水送，煙韌的紫米露軟糯香甜，滋潤養生。