三日月

營業中

休息中

今日慶祝朋友生日，就揀咗呢一間位於喺尖沙咀嘅鐵板燒，距離地鐵站唔算好遠，我哋喺B出口行出去大概只係需要3分鐘！都算方便，上網訂，更加有八八折優惠，見到佢整體嘅評分同埋食物嘅質素都好似唔錯，所以我哋就決定去預約呢一間餐廳，順便幫朋友慶祝生日☑️刺身三點，牡丹蝦非常靚仔，而且睇得出本身非常新鮮食落口嘅時候非常鮮甜嘅味道出晒嚟，赤身亦都非常充滿魚香，絕對唔會有腥味，食得出本身佢嘅刺身非常新鮮☑️時令生蠔，餐廳採用咗日本廣島縣嘅生蠔，非常飽滿，而且再加埋少少魚子，在配搭上餐廳自家製少少酸酸地嘅醬汁，成件事更加開胃同埋好食！☑️鮮活南非鮑魚，上到鐵板燒枱嘅時候，仲係非常生猛仲識得郁，食落去非常爽口，而且加埋餐廳特別配製嘅醬汁非常好食，師傅係擺本身都非常有心思，每一碟都係好靚☑️龍蝦，師傅用返龍蝦嘅頭嘅蝦膏，佢條配返成個龍蝦嘅醬汁非常鮮味而且簡單嘅調味，亦都食到龍蝦本身非常爽口彈牙嘅味道，龍蝦非常新鮮，入口嘅味道亦都非常理想！☑️A4鹿兒島和牛薄燒，餐廳用咗日本九州嘅和牛，油脂分布非常靚仔，而且加埋蒜片金菇同埋香蔥，入口嘅味道好match! 師傅亦都俾咗幾款鐵板燒嘅蔬菜，分別有南瓜蓮藕同埋秋葵，夾埋一齊食都