上村牧場 (已結業)

又黎到禁晚市堂食的前一日，當然要食盡佢。位置位於時代廣場人流多的地庫，店鋪唔算大，而且唔係好明顯係食和牛放題的餐廳，走低調，感覺有點似日式快餐店。要食就要趁早時間去，平日過左六點半到達就多數要等位了，雖然100分鐘時間，等位既人會覺得耐，但食緊既朋友會覺得好快，因為都好多野食選擇，而且燒都要一定時間。今次點選澳洲和牛，食物種類都多，當然主要點選澳洲和牛，要值得一提，一入座，店員會預先俾一set 牛肉上台，變相都係想你食晒成碟肉。點菜以QR Code 方式下單，離台前30分鐘會截單，上菜速度唔算快，所以基本上一坐低其實可以點定下一輪食物，但就唔會有漏單情況。和牛油脂豐富、肉質香濃，食多幾舊真係好容易飽肚，所以絕對適合大胃王。最後都有甜品哈根大師雪糕每人各一杯。