味火鍋 (華僑商業中心)

良朋歡聚出嚟食飯梗係傾多幾句，一般食肆兩個鐘，有時真係顧得食顧唔到傾偈，朋友帶我去咗一間火鍋店，呢間餐廳可以最長食足7小時，而且食材非常Luxury，今次真係happy gathering啦！呢間火鍋店以人頭模式收費費，每位有自選頭盤，定額高質牛肉和海鮮，最後就係任飲啤酒汽水和火鍋食材。第一部份係精選頭盤，可以五款自選，我就揀咗芝士焗波士頓龍蝦半隻，朋友就揀咗黑松露芝士焗生蠔三隻。朋友大贊生蠔非常正，我個龍蝦都非常唔錯，肉質爽實仲勁多蝦膏，配埋芝士冇得頂！自選火鍋湯底就有幾款，心水選擇蕃茄豬骨濃湯鍋、大排檔豬骨鍋、特濃芫荽皮蛋豆腐湯鍋、蟲草花椰子雞鍋等，最後揀咗蟲草花椰子雞鍋，啖湯好鮮甜仲好香椰子味，雞肉亦十分嫩滑。之後就開始食特選王牌火鍋拼盤，這款時令海鮮拼盤有北海道大元貝、新鮮魚類、新鮮海蝦、新鮮鮑魚、蟶子王、自家製手打墨魚丸、自家製手打蝦丸、台山蠔日式蟹棒。海鮮非常新鮮，一啲都唔腥，最吸引一定係大大隻元貝，同埋好似龍蝦咁大隻嘅海蝦，睇見都開心！之後還有牛魔王美國安格斯牛肉拼盤，包括有手切牛小排、牛肩胛、牛版鍵，真係三款都非常高質，油花和肉味兼備，令人吃得享受！然後仲可以任食精選火