泰皇閣泰國菜館

營業中

休息中

好耐冇去九龍城泰國嘢，今晚終於去回味吓🤭呢度嘅嘢食選擇都唔少，大路嘅全部都有齊～食泰國嘢梗係要食咖喱啦，今晚揀咗青咖喱，味道唔算好辣，揀咗青咖喱牛肉，份量都好多👍 有咁大碗咖喱汁梗係要食蒜蓉包啦，一盒四件嘅蒜蓉包上枱熱辣辣，差啲唔夠喉😂我哋嗌咗半打串燒，要咗雞腎同雞肉！好鍾意雞腎嘅口感，夠爽脆；雞肉就係嫩滑嘅質感，本身唔係好鹹，點埋沙嗲醬啱啱好。我覺得呢度嘅炒金邊粉係必食推介，面頭好多花生碎粒粒，增加口感，金邊粉嘅質地炒得啱啱好，配埋芽菜同埋少少青檸汁，好味道！最後食埋芒果糯米飯，真係超級飽啊我哋見到仲有好多其他嘅菜式都好吸引，下次多啲人再試吓！