焱丸水產 (已結業)

估唔到過完聖誕天氣仍然咁凍,想食日本野但又想食完暖笠笠,朋友介紹去銅鑼灣焱丸,餐廳位於謝菲道鵝頸橋附近,交通幾方便食物方面選擇都幾多,餐廳裝修是日式設計,每張檯都放左個燒爐,主打當然是磯燒海鮮。叫兩杯特色飲品嘆下先,巨峰提子梳打,顏色很深,提子味極濃,而且唔算太多氣,入口很順喉,另一杯係梅乾燒酌,梅子乾與燒酒味道超夾,醒胃炸蓮藕片,蓮藕片得很薄,表層沾上薄薄炸粉,味道很香脆。刺身五點盛, 三種魚類都是厚切, 三文魚超級厚切肥美好鮮甜,油甘魚油脂夠,爽彈鮮甜海膽有濃濃海水味,質感很creamy, 帆立貝鮮味亦極之夠,整體質素很高。兩款磯燒海鮮蟹味噌甲羅燒,在其他餐廳曾經食過,但味道就遠遠不及這次,侍應替我們控制火侯,燒好後放在碟上,蟹膏加熱後凝固,入口一陣陣蟹膏甘香味道湧入口中,鮮味爆晒燈,差d忍唔住encore多一客。另一款磯燒海鮮係大帶子,侍應燒好後加上味噌汁,帶子燒得剛熟,味道鮮甜,配味噌汁非常夾,好好味。松葉蟹腳鍋蟹腳肉質很鮮甜,放在日式醬汁烹致剛熟,味道真係頂級,加埋鍋入邊的雜菜,芋絲同埋豆腐,食完暖笠笠,臨尾再柯打多個烏冬,飽飽,成餐晚餐超級滿足。