影片
更多
2022-11-29
197 瀏覽
好味指數：🌟🌟🌟🌟🌟抵食指數：🤑🤑🤑🤑🤑 做gym嘅時候發現樓上原來有間咁氣派嘅日式餐廳🍴入面裝修無論燈籠、壁畫定千鳥居都充滿日式氣氛🏮而且仲有室外座位遠眺維港夜景，好有情調🌃今晚點咗佢哋新出嘅A4仙台和牛及龍蝦嚐味晚宴，豐盛得嚟超級滿足，好推薦嚟試！✅蟹肉菠菜沙律選用北海道蟹肉，入口鮮味濃郁，菠菜清甜爽口，配埋醋汁酸甜清新又開胃🌿✅磯煮鮑魚鮑魚用自製清酒醬汁浸超過8個鐘，質感軟腍同時保留彈性，味道濃郁帶微甜✨旁邊配上三文魚籽同酸蘿蔔更加鮮甜鹹香✅刺身，壽司盛合由左至右，淡至濃食，第一道係鯛魚，味道鮮甜肉質彈牙；第二道係赤蝦刺身，炙燒過後更甘甜，配埋蝦膏一齊食更濃郁；第三道係和牛刺身，和牛表皮炙燒後油脂豐盈，入口即溶；最後係拖羅海膽壽司同拖羅北海道長蟹腳卷，前者濃郁鮮味，後者鮮甜清新，而且整體份體啱啱好，好食得嚟又會對下一道料理充滿期待✅溫野菜燒有日本青椒仔、蕃茄及蕃薯仔，特別要提蕃茄，係日本水茄🍅天然糖度高，燒過後更突出到佢嘅甜，而且非常juicy✅黑松露汁焗龍蝦擺盤相當吸引，而且已經好細心咁起殼同切開，方便食用🦞肉質鮮嫩爽彈，加上黑松露汁香得嚟又唔會蓋過龍蝦本身鮮味，好食✅A4仙台
好味指數：🌟🌟🌟🌟🌟
抵食指數：🤑🤑🤑🤑🤑
做gym嘅時候發現樓上原來有間咁氣派嘅日式餐廳🍴入面裝修無論燈籠、壁畫定千鳥居都充滿日式氣氛🏮而且仲有室外座位遠眺維港夜景，好有情調🌃今晚點咗佢哋新出嘅A4仙台和牛及龍蝦嚐味晚宴，豐盛得嚟超級滿足，好推薦嚟試！
✅蟹肉菠菜沙律
選用北海道蟹肉，入口鮮味濃郁，菠菜清甜爽口，配埋醋汁酸甜清新又開胃🌿
✅磯煮鮑魚
鮑魚用自製清酒醬汁浸超過8個鐘，質感軟腍同時保留彈性，味道濃郁帶微甜✨旁邊配上三文魚籽同酸蘿蔔更加鮮甜鹹香
✅刺身，壽司盛合
由左至右，淡至濃食，第一道係鯛魚，味道鮮甜肉質彈牙；第二道係赤蝦刺身，炙燒過後更甘甜，配埋蝦膏一齊食更濃郁；第三道係和牛刺身，和牛表皮炙燒後油脂豐盈，入口即溶；最後係拖羅海膽壽司同拖羅北海道長蟹腳卷，前者濃郁鮮味，後者鮮甜清新，而且整體份體啱啱好，好食得嚟又會對下一道料理充滿期待
✅溫野菜燒
有日本青椒仔、蕃茄及蕃薯仔，特別要提蕃茄，係日本水茄🍅天然糖度高，燒過後更突出到佢嘅甜，而且非常juicy
✅黑松露汁焗龍蝦
擺盤相當吸引，而且已經好細心咁起殼同切開，方便食用🦞肉質鮮嫩爽彈，加上黑松露汁香得嚟又唔會蓋過龍蝦本身鮮味，好食
✅A4仙台和牛陶板燒
和牛放上陶板燒，可以按自己喜好調節熟度🔥每塊牛嘅雪花紋理均衡細緻，肉質相當軟嫩🐮有豐腴嘅牛脂香同時牛味濃郁，而且唔會有油膩感
✅冷稻庭烏冬
呢度連烏冬都特別好食，可見每道料理都相當用心準備🍜幼滑既烏冬口感煙韌，加上醬汁、蔥花、紫菜同芥末一齊食風味十足
✅甜品
是日甜品係芝士蛋糕，芝士味濃郁，口感好rich同厚實，相當高質🍰
張貼
