月爐．端燒

營業中

休息中

今晚嚟食居酒屋，環境好舒服。舖面望落小小的，原來仲有上層嘅座位。一路播住日文嘅流行曲，好有置身日本嘅感覺。仲有唔同款式嘅梅酒、燒酎、啤酒，Menu都有好多佐酒小食，可惜我哋今日唔方便飲酒，如果唔係都想試吓🥺望住個餐牌花多眼亂，最後叫咗個二人餐加多兩款燒物。🤭前菜：明太子薯仔沙律，本身以為會辣辣地，但佢加咗青瓜，令到個沙律好清新，仲有蟹肉添！雞頸肉：唔係周圍都有得食，所以試一試😋小小辣辣地，肉好結實，不愧係雞郁得最多嘅部位🐔燒馬刀貝：刺身就食得多，燒嘅第一次食。肉質爽口彈牙，雖然係燒嘅，但係唔會好乾，甚至乎有少少爆汁嘅感覺。蔥花同醬汁嘅配搭係錦上添花🤤生蠔：手掌咁大隻，非常鮮甜肥美，有少少海水味，一擺落口就滑咗入喉嚨🤣池魚刺身：原條上，擺盤已經望落好吸引😍😍 食落好鮮甜，點埋個橙醋食酸酸地，非常開胃。好彩當日早咗去，隔籬枱想叫已經冇晒啦！馬友一夜乾：一嚟到已經聞到好香，燒到金黃色，食落油脂豐富，齒頰留香。鴨肉烏冬：喺東京食過鴨肉拉麵就念念不忘，估唔到香港都食到，非常軟腍🤤烏冬好煙靭，同泡菜都好夾。甜品有蕨餅同埋水晶豆沙糕，為呢餐我畫上完美句號。🩷