大戶屋

營業中

休息中

因為朋友推薦，第一次來試大戶屋。環境舒服乾淨，因為想試多幾種菜式，分別叫左燒牛扒拼牛俐定食，同埋五花腩定食。 睇人地食評果然無介紹錯，除左主食，每一樣配菜，包括薯仔沙律，味增湯，蒸蛋調味都非常出色。感受到餐廳嘅誠意同認真，有返日本嘅感覺！五花腩肥瘦適中，每一啖都有油脂的香味，非常下飯。 份量對女仔來講非常足夠。而牛扒係半生熟，入口有牛味。 睇來呢間要成為我地日後嘅飯堂啦，諗唔到食咩都可以上來隨便解決吓。