一方堂居酒屋

營業中

休息中

話說我哋為咗籌備婚禮都忍咗一排口，冇周圍出去食好西🤣順利完婚梗係要食返餐好慶祝吓！呢間位於尖沙咀厚福街嘅居酒屋🏮，有好多唔同食物可以選擇，刺身、壽司、小食、串燒、天婦羅、鍋物都應有盡有！而且食物質素好高，對得住呢個價錢🤟🏻而家喺openrice訂位仲有優惠！▪️一堂 極上刺身盛合 $368▪️成個盛盒有超多刺身，包括赤身、海膽、甜蝦、帆立貝、赤貝，同埋日本直送鮮魚兩款😍我哋當日食其中一款就係油甘魚，厚切好正！全部刺身食得出好新鮮，特別係海膽好鮮甜，呢個價錢有咁多款刺身食真係好抵🤤▪️三文魚芝士卷 $88▪️三文魚+芝士+蟹籽+沙律醬嘅卷物！超鍾意呢個配搭，三文魚同芝士好夾🤤▪️鵝肝多士 $88▪️鵝肝煎到外脆內嫩，配埋超脆嘅多士好邪惡😍，仲有少少沙律伴碟可以解膩。▪️網燒安格斯牛扒 $178▪️估唔到日本居酒屋都有咁正嘅安格斯牛扒食！牛扒燒得啱啱好，入面仲見到少少粉紅色，食落又嫩又多汁🤤好香牛嘅油脂味！