影片
更多
2022-10-24
520 瀏覽
我個bff又帶我食好嘢🤤呢間喺鰂魚涌嘅新派日本菜，室內裝修得非常高雅精緻，Outdoor亦相當舒適，天花掛滿和風紙傘、手繪嘅屏風，重有著名畫家畫嘅日式園景壁畫，fashion得黎帶點奢華，整體嘅氣氛都唔錯，係適合girl’s talk嘅好地方✨Tasting MenusFukurokuju $880 eachEdamame 有海鹽同柚子嘅枝豆，大大碗送酒一流Ankimo 醬油醃製鮟鱇魚肝，呢個我第一次食，開頭仲驚會腥，點知又唔會喎，可能有柚子啫喱同紫蘇花，覺得幾好食添Salmon Puff呢個整得好靚，木薯粉泡芙裏面裝住三文魚同牛油果，加咗柚子酒同醋飯Wagyu Tataki火炙和牛口感嫩滑，用左日本小青椒同土佐醋，帶有微微嘅辣味，加埋西班牙香腸油即刻好香口Katsuo Tataki好香嘅炭燒味，吞拿魚配紫蘇柚子醬&蘿蔔蓉，酸酸地好清新Madai Truffle 係我最鍾意嘅即刨黑松露，有車厘茄、鵪鶉蛋黃、日本香菜、大蔥芽Mix埋一齊好夾Mizuna Salad Google翻譯係水菜，呢個菜都係第一次食，口感有少少似紫蘇，加埋脆蔥片，柚子同味醂醋，幾清新Beef Tenderloin
我個bff又帶我食好嘢🤤呢間喺鰂魚涌嘅新派日本菜，室內裝修得非常高雅精緻，Outdoor亦相當舒適，天花掛滿和風紙傘、手繪嘅屏風，重有著名畫家畫嘅日式園景壁畫，fashion得黎帶點奢華，整體嘅氣氛都唔錯，係適合girl’s talk嘅好地方✨
Tasting Menus
Fukurokuju $880 each
Edamame
有海鹽同柚子嘅枝豆，大大碗送酒一流
Ankimo
醬油醃製鮟鱇魚肝，呢個我第一次食，開頭仲驚會腥，點知又唔會喎，可能有柚子啫喱同紫蘇花，覺得幾好食添
Salmon Puff
呢個整得好靚，木薯粉泡芙裏面裝住三文魚同牛油果，加咗柚子酒同醋飯
Wagyu Tataki
火炙和牛口感嫩滑，用左日本小青椒同土佐醋，帶有微微嘅辣味，加埋西班牙香腸油即刻好香口
Katsuo Tataki
好香嘅炭燒味，吞拿魚配紫蘇柚子醬&蘿蔔蓉，酸酸地好清新
Madai Truffle
係我最鍾意嘅即刨黑松露，有車厘茄、鵪鶉蛋黃、日本香菜、大蔥芽Mix埋一齊好夾
Mizuna Salad
Google翻譯係水菜，呢個菜都係第一次食，口感有少少似紫蘇，加埋脆蔥片，柚子同味醂醋，幾清新
Beef Tenderloin
擺盤好有心思，用咗松露醬油加歐洲蘿蔔泥，牛柳有七成熟，杏鮑菇煎過口感唔錯
Sashimi Moriawase
Uni 海膽、Hamachi 油甘魚、Scallop帶子、Toro拖羅全部都好新鮮夠鮮甜
Honjokko Otoro Maki
煙燻中拖羅，有紫蘇葉、wasabi、飛魚子、海膽入口有多種口感層次，加入金箔點綴，又靚又好味
Nigiri
Salmon / Hamachi / Sea Scallop
三文魚配三文魚籽，帶子配飛魚子，油甘魚配芝麻同蒜，用火燒過，有少少魚油，更加香同鮮甜
Seabass Saikyoyaki
味噌醃製智利鱸魚，呢個肉質軟淋，有木燻味，魚皮有焦邊，好有香味
Cheese cake sponge
日本芝士海綿蛋糕配雲尼拿雪糕，大大塊菠蘿乾，脆脆地幾清甜
Puff yuzu custard and mochi
泡芙用柚子吉士同麻薯，味道唔錯
Chocolate mousse with raspberry sauce
朱古力慕絲唔會太甜，配紅莓醬好夾
🍹Co-Matchy $70
熱情果、抹茶糖槳、椰子水、檸檬汁、蘇打水
🍹 Royal Kombucha $80
香檳糖槳、柚子、士多啤梨紅茶菌
張貼
