影片
更多
2022-05-09
2071 瀏覽
殿大喜屋喺放題界來講算係數一數二，見星期一至四做緊優惠價，268元就可以放題兩小時（5:30至7:30PM)，梗係唔會錯過呢個機會啦！環境裝修高級，空間闊落，乾淨企理！🥳🥳食物種類超級豐富，刺身、小炒、小食、甜品、飲品、雪糕......五花八門，完全值回票價刺身款式好多，無論魚類同貝殼類都一應俱全，仲要提供貴價刺身食材如:拖羅，拖羅油脂豐富，入口即溶。仲要有帶子，鮮甜美味！整體來講，刺身爽口好味，而且無論嗌多或小，餐廳都會以冰陣送上，確保刺身新鮮！😋😋壽司/卷物/軍艦款式多，花多眼亂，有花之戀、加州卷以及吞拿魚蓉小卷，而且非常鮮甜！賣相又靚！超級推介燒左口魚壽司，油脂豐富，入口即溶！大家記得排隊攞手握海膽手卷，海膽新鮮，每人只限攞兩件，去到記得排隊拎啦！小食都好多選擇，有麻辣小龍蝦、涼拌、炸春卷等等，連涼拌款式都有6樣咁多。隔離仲有沙律吧，蔬菜同新鮮生果款式齊全。仲有冷盤（青口、鮮蝦等等），好吸引！炸物都好多款式，例如：榴槤炸彈、芝士年糕……芝士年糕超級好食！天婦羅都炸得啱啱好，南瓜天婦羅用日本南瓜，好香甜！燒物都好多選擇，燒菠蘿超級好食，非常Juicy！燒和牛片必叫！ 牛肉好嫩滑，油
殿大喜屋喺放題界來講算係數一數二，見星期一至四做緊優惠價，268元就可以放題兩小時（5:30至7:30PM)，梗係唔會錯過呢個機會啦！
環境裝修高級，空間闊落，乾淨企理！🥳🥳
食物種類超級豐富，刺身、小炒、小食、甜品、飲品、雪糕......五花八門，完全值回票價
刺身款式好多，無論魚類同貝殼類都一應俱全，仲要提供貴價刺身食材如:拖羅，拖羅油脂豐富，入口即溶。仲要有帶子，鮮甜美味！整體來講，刺身爽口好味，而且無論嗌多或小，餐廳都會以冰陣送上，確保刺身新鮮！😋😋
刺身
91 瀏覽
0 讚好
0 留言
壽司/卷物/軍艦款式多，花多眼亂，有花之戀、加州卷以及吞拿魚蓉小卷，而且非常鮮甜！賣相又靚！超級推介燒左口魚壽司，油脂豐富，入口即溶！
大家記得排隊攞手握海膽手卷，海膽新鮮，每人只限攞兩件，去到記得排隊拎啦！
小食都好多選擇，有麻辣小龍蝦、涼拌、炸春卷等等，連涼拌款式都有6樣咁多。隔離仲有沙律吧，蔬菜同新鮮生果款式齊全。
仲有冷盤（青口、鮮蝦等等），好吸引！
炸物都好多款式，例如：榴槤炸彈、芝士年糕……芝士年糕超級好食！天婦羅都炸得啱啱好，南瓜天婦羅用日本南瓜，好香甜！
燒物都好多選擇，燒菠蘿超級好食，非常Juicy！
燒和牛片必叫！ 牛肉好嫩滑，油脂分布均勻，仲有濃濃嘅牛肉味！燒牛舌厚身，彈口，肉質嫩滑🤩
醉鮑魚好食！鮑魚煮得剛剛好，口感嫩滑，帶有微微醉酒味！
甜品款式包羅萬有，色彩繽紛，仲要細細件，顧客可以一次過試晒唔同嘅款式。不得不提嘅係餐廳提供多款雪糕雪條，當中不乏貴價牌子，例如： Häagen-Dazs、milktop以及movenpick 🤩
張貼
