南瀛水產

話說我舊同事約咗去尖沙咀呢間南瀛水產晚餐，佢同我講開完會就到，我就叫晒嘢食等佢嚟，點知啲嘢食上齊之後，佢同我講話開會走唔到我就一個人K O晒以下嘅食物：蟹味噌甲羅燒蟹味噌甲羅燒係南瀛水產一款非常受歡迎嘅菜式，店員上菜後會在旁磯燒佢，一瞬間便聞到陣陣蟹香鮮味。濃郁嘅蟹膏，鮮甜蟹肉配上脆卜卜嘅蟹籽，再加上鵪鶉蛋同蔥花拌勻，一試便愛上。雲丹蟹肉卷賣相好吸引上，卷上面海膽份量好多，勁鮮甜Creamy，蟹肉鮮甜，壽司飯口質感軟糯，口感非常豐富。南瀛極上刺身丼呢碗豪華丼飯材料係最頂級嘅刺海鮮身，包括鮮甜嘅厚肉帶子、Creamy嘅海膽、充滿油脂香的拖羅、肥美三文魚、鮮甜爽滑嘅牡丹蝦甜蝦等等，每款都係極新鮮，拌埋軟糯壽司醋飯食簡直一絕，而且入量多好大碗，絕對係超值之選清油煮蜆大蜆新鮮無沙，肉身飽滿清甜，加入清酒煮過後，每一口都充滿酒香蒜蓉牛舌牛舌係厚切燒得乾身香口，咬落去會比較有口感，肉質亦軟腍，好有牛香味有陣陣蒜香味土佐豆腐豆腐外邊煙煙韌韌，似乎係炸完再煮，豆腐裏邊夠軟滑，配埋好重醬油味嘅醬汁，幾好食唐揚炸雞炸雞球size非常大粒，好似我個拳頭咁大，雞皮炸得非常香脆可口，內層軟嫩多汁，加埋美乃滋一齊