影片
更多
2021-12-10
134 瀏覽
今日同朋友夜晚去會展睇SHOW，未夠鐘開SHOW於是乎就係附近搵野食，咁岩行過見到鮨樂門口有位哥哥仔好有禮貌咁招呼我地，於是就順水推舟決定食呢間。入到店內就已經見到好多師傅係度處理緊外賣生意，有得揀坐卡位同吧枱，因為我地得兩個人，唔想霸咁大張枱，於是就揀左坐吧枱，仲可以睇埋師傅處理魚生。基本上睇餐牌都知係主打高檔日式料理黎，於是乎就即刻叫左個北海道海膽手卷($75)同最基本既三文魚($25)手卷試下，落完單基本上師傅就係你面前即刻包，先講個海膽手卷，聞落無腥味，味道非常鮮甜，肉質都結實，唔會太過水，邊食之餘同師傅傾計得知店內食材全部都係地道日本空運過黎既，而另外三文魚手卷，朋友就話不過不失，都係有一貫水準既。食完手卷梗係試下正宗日本手握壽司，於是就叫左一個壽司盛合($168)，總共有8款壽司，有油甘魚，甜蝦，墨魚，赤貝仲有一塊玉子等等，不過原來師傅話壽師可以由淡味食到濃味，因為先食濃味既魚，再食淡味既魚，味道就無咁出，於是乎我自己就由淺色既魚肉開始食，中間食下甜蝦同玉子間場，最後再食赤貝同油甘魚，有一刻直情覺得自己真係去左日本食緊野。於此同時先前叫既特選刺身飯($158)都整好左送到黎
入到店內就已經見到好多師傅係度處理緊外賣生意，有得揀坐卡位同吧枱，因為我地得兩個人，唔想霸咁大張枱，於是就揀左坐吧枱，仲可以睇埋師傅處理魚生。
基本上睇餐牌都知係主打高檔日式料理黎，於是乎就即刻叫左個北海道海膽手卷($75)同最基本既三文魚($25)手卷試下，落完單基本上師傅就係你面前即刻包，先講個海膽手卷，聞落無腥味，味道非常鮮甜，肉質都結實，唔會太過水，邊食之餘同師傅傾計得知店內食材全部都係地道日本空運過黎既，而另外三文魚手卷，朋友就話不過不失，都係有一貫水準既。
食完手卷梗係試下正宗日本手握壽司，於是就叫左一個壽司盛合($168)，總共有8款壽司，有油甘魚，甜蝦，墨魚，赤貝仲有一塊玉子等等，不過原來師傅話壽師可以由淡味食到濃味，因為先食濃味既魚，再食淡味既魚，味道就無咁出，於是乎我自己就由淺色既魚肉開始食，中間食下甜蝦同玉子間場，最後再食赤貝同油甘魚，有一刻直情覺得自己真係去左日本食緊野。
於此同時先前叫既特選刺身飯($158)都整好左送到黎，呢間鋪用既醋飯真係非常之開胃同好食，搭配魚生食真係一流，其實基本上都唔洗點加豉油，因為魚生既鮮味好搭醋飯。
最後再加單食多個吉列蝦飯卷($48)，呢個真係最大驚喜，個炸蝦飯卷完全唔膩，新鮮整又脆又好食，好少可食完日本炸物係仲會想再叫多一份。
整得一提係整體環境同服務都係高水準，一路食不斷有人主動幫你加茶收盤，完全唔洗叫都有人招待你，另外店內仲有每日推介，聽師傅講係根據當日食材質素而挑選出黎既上品，因為個SHOW就黎開場又食到飽肚，所以未有機會一試，但下次有機會再黎都會試下。整體而言係非常地道既日本餐廳，除左食材之外，連服務環境，甚至師傅既制服(廚師服入面有打呔嫁!)都同日本餐廳如出一轍，大家如果想搵地方招待朋友或者食厭平價壽司，不妨黎呢度一試，絕對唔會失禮。
張貼
