影片
更多
2025-05-28
372 瀏覽
銅鑼灣嘅「壽兵衛」主打高級和牛料理，今次試咗佢哋嘅「仙台A5霜降和牛套餐」，由前菜到甜品每樣都唔馬虎，有齊視覺同味覺享受！ 前菜三點精緻開胃，尤其係「三文魚子蟹膏豆腐」，魚子爆鮮配上濃郁蟹膏，豆腐滑溜，層次豐富；「磯煮鮑魚」煮得軟嫩入味，淡淡甜醬油香；「水雲醋」酸爽醒胃，為之後嘅菜式做好準備。 刺身四點新鮮度滿分！大拖羅油脂甘香，入口即化；海膽鮮甜無腥味；牡丹蝦黏滑帶甜；金目鯛爽口鮮美；刺身帶子鮮甜美味；數落其實有五款先岩，唔知係畀多咗定點呢。 哈！穴子茶碗蒸係隱藏亮點！蒸蛋超滑嫩，穴子（星鰻）肉質細緻，面頭仲加咗山椒，香氣微妙提味。 主菜A5和牛壽喜燒絕對係重頭戲！首先有厚切牛舌心，牛舌尖香咗，食落好爽口，而且一咬即斷唔會韌，個底墊咗生洋蔥再加埋醋，面頭灑咗淡雪鹽提鮮。之後壽喜燒仙台A5箱降和牛西冷油花均勻，見師傅輕輕一灼至五成熟，入口即溶，牛味濃郁得嚟唔膩。壽喜燒汁甜度平衡，配白飯一流。先食原味，再蘸上蛋漿更顯柔滑。一份餐會有兩片，每次烹調嘅過程都會加咗蔬菜做配料，特別欣賞吸滿湯汁嘅芋絲同皇帝菜。 個餐可以揀配白飯或者烏冬，烏冬同樣會用壽喜燒汁煮，面頭在加咗啲芝麻，所以食
前菜三點精緻開胃，尤其係「三文魚子蟹膏豆腐」，魚子爆鮮配上濃郁蟹膏，豆腐滑溜，層次豐富；「磯煮鮑魚」煮得軟嫩入味，淡淡甜醬油香；「水雲醋」酸爽醒胃，為之後嘅菜式做好準備。
刺身四點新鮮度滿分！大拖羅油脂甘香，入口即化；海膽鮮甜無腥味；牡丹蝦黏滑帶甜；金目鯛爽口鮮美；刺身帶子鮮甜美味；數落其實有五款先岩，唔知係畀多咗定點呢。 哈！
穴子茶碗蒸係隱藏亮點！蒸蛋超滑嫩，穴子（星鰻）肉質細緻，面頭仲加咗山椒，香氣微妙提味。
主菜A5和牛壽喜燒絕對係重頭戲！
首先有厚切牛舌心，牛舌尖香咗，食落好爽口，而且一咬即斷唔會韌，個底墊咗生洋蔥再加埋醋，面頭灑咗淡雪鹽提鮮。
之後壽喜燒仙台A5箱降和牛西冷油花均勻，見師傅輕輕一灼至五成熟，入口即溶，牛味濃郁得嚟唔膩。壽喜燒汁甜度平衡，配白飯一流。先食原味，再蘸上蛋漿更顯柔滑。一份餐會有兩片，每次烹調嘅過程都會加咗蔬菜做配料，特別欣賞吸滿湯汁嘅芋絲同皇帝菜。
個餐可以揀配白飯或者烏冬，烏冬同樣會用壽喜燒汁煮，面頭在加咗啲芝麻，所以食落好香。
最後以舞茸菇清湯清清味蕾，再嚟一碗豆腐雪糕，豆香濃郁，配上香甜蜜瓜作結，完美！
服務細心，環境雅致，價錢合理（約$1300/位），適合慶祝或犒賞自己，值得回頭！
張貼
