安平燒肉

營業中

休息中

將軍澳popcorn商場二樓原來開咗唔少新餐廳，包括嚟至台灣嘅安平燒肉，仲推出咗呢個由$168起，叫「月光族急救吃到飽」套餐，無論價錢同食物都好吸引。餐廳肉食、部分飲品及甜品以QR code落單，以自助區則提供醬料、蔬菜、丸類、小食、凍熱茶飲選擇。值得一提，佢提供嘅醬料選擇好多，亦非常有特色，包括招牌黃金醬、薑味可樂醬、香水檸檬汁、安平辣椒醬及辣麻口水醬等。我揀呢個S2套餐，入邊包括嫩肩板牛肉、馬高牛仔骨、薑汁味豬花肉等。當中特別推介肩板牛肉，牛味濃郁，脂肪分布平均，質素非常高。其他肉類質素亦不錯，呢個價錢嘅放題嚟，性價比講算係非常高。自助區亦設有櫻花蝦飯，材料包括有櫻花蝦、香蔥、海苔及秘製滷水汁。可根據個人口味，自行調教份量及口味，我哋食完覺得非常有驚喜，呢個真心值得推介。甜品除咗自助區提供乳酪雪糕之外，更可以QR code落單點仙草芋圓，賣相好靚，完全唔似係放題嘅甜品造型，味道亦不錯，誠意之作。