影片
更多
2024-12-31
278 瀏覽
今次我地去左食一間之前食過覺得好食既串燒店，我地之前係荃灣食過高度評價，原來佢分店都唔少，我地今次去開旺角呢邊，就黎食旺角分店啦🍡呢間分店幾有居酒屋既味道，有bar枱，有間榻榻米房，大部分就係普通枱，枱上有紙巾同調味粉提供😉鹽燒雞皮（$22）呢塊雞皮唔係平時一串串有d肥既雞皮，佢係大大塊簿簿地，既脆既雞皮，個調味做得好，呢塊大雞皮幾有特色😆牛舌拖羅（$48）呢串牛舌拖羅一入口就知同普通牛舌唔同，佢比較肥美，有彈牙口感，仲有入口即溶既感覺，可以話我食過數一數二既牛舌👅牛油蒜蓉焗金菇（$32）呢個金菇火候控制得好，保持到應有既水分，最緊要蒜夠多，牛油都入味😋牛油果豚肉卷（$28）呢串可以話係專程黎翻食，豚肉包住牛油果個口感超正，同埋本身我都鐘意牛油果，呢串對我黎講係無得彈🥑紅蔥油蒜蓉粉絲元貝（$58）呢隻元貝都好鮮，不過我覺得燒得稍為乾左少少，d蒜蓉撈埋粉絲好惹味，整體係唔錯👍🏻豬肋肉（$24）呢個都係比較普通既一串，味道正常😌味噌松板豬（$28）松板豬就相對會彈牙d，有類似豬頸肉既感覺🐷尖椒皮蛋燒豆皮（$22）呢串豆皮我覺得比較普通，口感唔算好脆，味道係ok，如果可以燒脆d就會更好😗鹽燒
呢間分店幾有居酒屋既味道，有bar枱，有間榻榻米房，大部分就係普通枱，枱上有紙巾同調味粉提供😉
鹽燒雞皮（$22）
呢塊雞皮唔係平時一串串有d肥既雞皮，佢係大大塊簿簿地，既脆既雞皮，個調味做得好，呢塊大雞皮幾有特色😆
牛舌拖羅（$48）
呢串牛舌拖羅一入口就知同普通牛舌唔同，佢比較肥美，有彈牙口感，仲有入口即溶既感覺，可以話我食過數一數二既牛舌👅
牛油蒜蓉焗金菇（$32）
呢個金菇火候控制得好，保持到應有既水分，最緊要蒜夠多，牛油都入味😋
牛油果豚肉卷（$28）
呢串可以話係專程黎翻食，豚肉包住牛油果個口感超正，同埋本身我都鐘意牛油果，呢串對我黎講係無得彈🥑
紅蔥油蒜蓉粉絲元貝（$58）
呢隻元貝都好鮮，不過我覺得燒得稍為乾左少少，d蒜蓉撈埋粉絲好惹味，整體係唔錯👍🏻
豬肋肉（$24）
呢個都係比較普通既一串，味道正常😌
味噌松板豬（$28）
松板豬就相對會彈牙d，有類似豬頸肉既感覺🐷
尖椒皮蛋燒豆皮（$22）
呢串豆皮我覺得比較普通，口感唔算好脆，味道係ok，如果可以燒脆d就會更好😗
鹽燒三黃雞腿肉（$28）
呢個雞腿肉咬落去好有肉汁，肉質都幾嫩🐥
鹽燒赤雞頸肉（$22）
雞頸肉口感幾肉地feel，肉質都幾嫩🐤
鹽燒豚肉荔枝卷（$22）
呢個配搭都幾特別，咸中帶甜，但係食落唔覺奇怪仲幾夾，不過對我黎講都係牛油果卷好🤣
牛胸爽（$26）
我以為淨係打邊爐先有，原來整串燒一樣好食，脆脆地既脂肪質感，燒完落d調味，仲好食過打邊爐咁食😝
鹽燒雞中翼（$20）
燒雞翼對比三黃雞腿肉冇乜肉汁，我自己會鐘意雞腿肉多，不過雞翼就點都要叫番串，我都滿意個雞翼🤓
蜜糖菠蘿（$18）
呢個燒菠蘿我覺得係抵食之選，大大條，外面層蜜糖皮既甜味再加埋本身菠蘿少少酸甜，幾好味🍍
鰻魚炒飯（$58）
呢個又係另一個抵食之選，size幾大，仲要炒得幾靚，同平時日式料理店既質素差唔多🍚
椰青（$38）
香水檸檬茶（$32）
飲品種類都好多選擇，估唔到連椰青同手打檸檬茶都有，杯檸茶真係同茶飲店既差唔多，幾正，佢地最抵就係買一送一既啤酒，不過我地今日冇飲到🥤
呢間串燒店我覺得係幾抵食，貴既食物又真係值得比貴d叫，平既又性價比高，大路野就普普通通冇咩特別，但特色既串燒全部做得好，我遲下應該會再黎食😍
張貼
