麗莎餐廳

營業中

休息中

有日喺佐敦做完facial好肚餓，想食下午茶，見到呢間懷舊冰室幾特別，裝修令人覺得好似返到去90年代，而且下午茶餐好多選擇，就入去試吓啦～麗莎雜扒鐵板餐⭐️⭐️⭐️⭐️食到鐵板扒嘅地方依家真心唔多🥹呢個雜扒餐入面有司華力腸、香煎雞扒、豬扒、煙肉同火腿，配菜有幾粒大大嘅脆薯角，足料！揀咗蒜蓉汁，個蒜蓉汁值得一讚，真係有粒粒新鮮蒜蓉喺入面～豬扒同雞扒都正常，仲幾厚切～唔會好嚡口，司華力腸大大條，充滿懷舊嘅味道🥰🫶🏻法蘭西多士⭐️⭐️⭐️⭐️下午茶一定要嗌西多士！已經切好咗4件，食落有花生醬同淡淡嘅椰香味，幾特別～唔好睇佢4件好似好少，食晒都好飽下😆見到出咗啲夏日特飲「百變奇冰」，欣賞呢個名好有創意🫶🏻試咗「椰汁紅荳冰」好好飲，椰奶味香濃之餘，啲紅豆🫘軟棉而保持到粒粒分明，甜度仲啱啱好！