二八火鍋 (已結業)

香港有唔少任食火鍋店，不過嚟嚟去去都係日式或者台式，港式就比較少見喇。呢間餐廳嘅任食火鍋比較特別係可以揀一啲傳統足料湯底，火鍋料亦都比起其他餐廳靚。而且性價比仲好高，$228可以任飲任食兩個鐘！我哋揀咗🐟川弓白芷魚頭鍋。藥材味道好重，越煮越有鮮味。我哋試咗手切本地吊龍肉、安格斯肥牛、安格斯牛小排。吊龍肉多筋位，所以比較有咬口。安格斯肥牛油脂多少少，所以味道最香。牛小排瘦但嫩，食得多都唔覺得膩。佢哋嘅小食類款式好多，偏向啱餸酒（套餐雪花啤酒🍻❄️任飲）。我哋試咗酒香鴨舌、椒鹽粟米。鴨舌口感爽脆，醬汁類似涼拌青瓜/木耳嗰種。椒鹽粟米炸得好香，鹹鹹甜甜嘅味道好正。丸類、餃類都唔錯。四寶丸嘅牛丸、墨丸（同墨魚滑好似🤣）、蝦丸高質，胡椒豬肉丸就真係食唔慣🤔。手工韮菜餃味道濃郁，飽滿多汁。配料選擇多而且好多係喺其他任食餐廳食唔到。最尾真係多嘢食到食足兩個鐘。