影片
更多
2024-10-02
642 瀏覽
最近家中長者生日，想搵間高質既中餐食一盅兩件慶祝下，朋友推介左依間係IFC 既中菜館，話有個brunch 好抵食。粵韻飄香週未早午餐，588蚊一個人，IFO 依口價又算正常，一於試下佢。依個套餐包左每人一份前菜，湯品及一份主食，點心方面就無限量任食。前菜叫「五代同堂」，分別有5種唔同既開胃小食：蔥油帶子，蔥油細膩而帶子新鮮彈牙，好食！酒漬牡丹蝦，非常香酒味！昆布番茄仔已經幫你去左皮，酸酸地好正。慢煮泡椒蟶子好爽口，泡椒香而不辣，唔錯！鴛鴦簥頭正正常常。依個前菜好有心思，如果可以encore 就正啦！乾貝夏瓜花膠湯非常足料！係肉眼可見既誇張呀，蝦，花膠，瑤柱，豬肉，蘑菇等等，湯頭好鮮甜！依個湯正！主菜可以叫三蔥爆龍蝦或茅台鮮蠔煀雞煲，甘我地都叫左黎試下。兩碟菜上菜時侍應都會幫手炒兩下，砂煲熱到咋咋聲好療癒！特別推介茅台鮮蠔煀雞煲，茅台酒香味好出，蠔只有一隻但係好肥好大隻！仲有雞件都好嫩滑，依個主食無敵了！因為食完前菜主食，都差唔多飽了，未有機會試曬d 點心，特別點左幾款想食既，果然都好唔錯！瑪瑙蝦餃皮薄餡靚，蝦肉好似唔洗錢甘爆多，滿足！蟹籽燒賣香菇味比較出，肉質都幾彈牙，唔錯！海苔小龍包
粵韻飄香週未早午餐，588蚊一個人，IFO 依口價又算正常，一於試下佢。依個套餐包左每人一份前菜，湯品及一份主食，點心方面就無限量任食。
前菜叫「五代同堂」，分別有5種唔同既開胃小食：蔥油帶子，蔥油細膩而帶子新鮮彈牙，好食！酒漬牡丹蝦，非常香酒味！昆布番茄仔已經幫你去左皮，酸酸地好正。慢煮泡椒蟶子好爽口，泡椒香而不辣，唔錯！鴛鴦簥頭正正常常。依個前菜好有心思，如果可以encore 就正啦！
乾貝夏瓜花膠湯非常足料！係肉眼可見既誇張呀，蝦，花膠，瑤柱，豬肉，蘑菇等等，湯頭好鮮甜！依個湯正！
主菜可以叫三蔥爆龍蝦或茅台鮮蠔煀雞煲，甘我地都叫左黎試下。兩碟菜上菜時侍應都會幫手炒兩下，砂煲熱到咋咋聲好療癒！特別推介茅台鮮蠔煀雞煲，茅台酒香味好出，蠔只有一隻但係好肥好大隻！仲有雞件都好嫩滑，依個主食無敵了！
因為食完前菜主食，都差唔多飽了，未有機會試曬d 點心，特別點左幾款想食既，果然都好唔錯！
瑪瑙蝦餃皮薄餡靚，蝦肉好似唔洗錢甘爆多，滿足！
蟹籽燒賣香菇味比較出，肉質都幾彈牙，唔錯！
海苔小龍包專登咬開佢睇下有幾多肉汁，結果係成隻湯羹都裝唔曬，爆汁！
椒鹽脆豆腐一定要叫，炸漿好薄之餘炸到好香脆，配上一層炸蒜真係香到爆，忍唔住再叫多左碟，好味！
香脆蝦多士都一定要試！多士本身唔厚但蝦肉出奇地多！炸到非常香脆，表面既芝麻令到佢香脆之餘更多左層次，依個忍唔住叫左一人4隻，太好食！
迷你乾炒牛河，牛肉嫩滑，細細碟品嚐下唔錯。
甜品方面特別推介脆皮炸鮮奶，表面用左面包包住牛奶，炸到金黃酥脆，入面係流心既奶香味，好正！
陳皮紅豆沙細細地一碗，陳皮味唔係好濃，係略帶香味個隻，唔錯的！
整體而言估唔到IFC 入面有甘高質既一盅兩件，今次點心放題食到好滿足！炸物係佢既MVP! 下次可以試埋佢既晚餐，睇落都好唔錯！另外值得一提係佢既裝修好特別！打卡一流！
張貼
