影片
更多
2022-09-14
45 瀏覽
高質主題omakase，有蟹、魚、和牛等唔同主題，我哋就揀咗蟹同魚嘅主題，都好高質呀😍兩個主題都好正，有啲嘢係一樣嘅，我就食咗魚嘅主題，所以會介紹多少少魚☺️首先係先付-明丹明太子白海老，即係白蝦，加入明太子，上面係雲丹海膽，仲加咗魚子醬，口感非常豐富，增添白蝦嘅鮮味。前菜-毛蟹柚子啫喱，毛蟹肉好鮮甜，加上帶少少酸味嘅啫喱，非常特別，食落好清新。吸物-蛤昆布出汁，當湯飲，昆布汁加入蛤，仲有少少柚子皮，好鮮好鮮。刺身三點:帶子，加入金箔同三文魚子，非常鮮甜。深海池魚，配上我最鍾意嘅紫蘇葉，好香。螯蝦，上面有蝦膏，魚子醬，下面係蝦頭蝦殼熬制嘅汁，好濃蝦味。鮪刺身三點:黑色嘅波波裝住帶有乾冰嘅刺身，一打開非常吸睛，當中有赤身、中拖羅及大拖羅，全部都好香好肥美。而阿妹嘅蟹主題，就有釀上海蟹蓋，當中用咗大閘蟹同松葉蟹嘅肉，加入甘旬、蘑菇、洋蔥，仲好特別咁加少少cream，令啲肉滑身啲。揚物-櫻海老天婦羅，好特別好好味嘅天婦羅，入面加入櫻花蝦、蔥、生葉，可以點少少綠茶粉，非常香口。燒帆立貝配牛油清酒汁伴鱘魚子，大大粒嘅帆立貝，加入好香嘅牛油清酒汁，再加魚子，鮮甜彈牙。而蟹主題則是燒鱈場蟹伴雲丹鱘魚子
首先係先付-明丹明太子白海老，即係白蝦，加入明太子，上面係雲丹海膽，仲加咗魚子醬，口感非常豐富，增添白蝦嘅鮮味。
前菜-毛蟹柚子啫喱，毛蟹肉好鮮甜，加上帶少少酸味嘅啫喱，非常特別，食落好清新。
吸物-蛤昆布出汁，當湯飲，昆布汁加入蛤，仲有少少柚子皮，好鮮好鮮。
刺身三點:
帶子，加入金箔同三文魚子，非常鮮甜。
深海池魚，配上我最鍾意嘅紫蘇葉，好香。
螯蝦，上面有蝦膏，魚子醬，下面係蝦頭蝦殼熬制嘅汁，好濃蝦味。
鮪刺身三點:
黑色嘅波波裝住帶有乾冰嘅刺身，一打開非常吸睛，當中有赤身、中拖羅及大拖羅，全部都好香好肥美。
而阿妹嘅蟹主題，就有釀上海蟹蓋，當中用咗大閘蟹同松葉蟹嘅肉，加入甘旬、蘑菇、洋蔥，仲好特別咁加少少cream，令啲肉滑身啲。
揚物-櫻海老天婦羅，好特別好好味嘅天婦羅，入面加入櫻花蝦、蔥、生葉，可以點少少綠茶粉，非常香口。
燒帆立貝配牛油清酒汁伴鱘魚子，大大粒嘅帆立貝，加入好香嘅牛油清酒汁，再加魚子，鮮甜彈牙。
而蟹主題則是燒鱈場蟹伴雲丹鱘魚子，蟹肉上面舖滿雲丹海膽，加入煙燻嘅效果，又香又好味。
壽司三貫:
石垣貝，勁新鮮，加入少少柚子，好夾
伊佐木，加入蔥花，增加香味
燒咗嘅大拖羅，加入大蔥絲及Wasabi醬，好香好香，好滿足。
最後甜品竟然係香印提子拿破侖，少有餐廳連甜品都咁講究，好好味呀，可唔可以嚟多一份🤣
張貼
