影片
更多
2020-02-12
26 瀏覽
2020年2月7日 星期五今晚屋企人煮唔切飯，臨時臨急唔知食咩好，又唔想專登落街食浪費一個口罩，所以就決定叫外賣。一向都認為外賣多數都係叫Pizza或者炸雞，而今次屋企人就話想食海鮮同壽司，於是就到網上面搵有咩店舖可以提供海鮮到會服務，最後就搵咗呢一間鋪頭落咗餐之後大約一個小時就有食物送到屋企，首先我哋叫咗三至四人海鮮拼盤，有大約10幾隻生蠔，分別係來自唔同嘅產地，所以有大有細，全部生蠔都已經剝咗殼，所以食嘅時候好方便，仲可以落檸檬汁同海鮮醬。食落去有好濃烈嘅海水味，蠔肉好新鮮，細隻嘅入口即溶，而稍為大隻嘅就有咬口，各有千秋。除此之外海鮮拼盤仲有好多唔同嘅海鮮，就好似長蟹腳，一拆出嚟就有好多蟹肉，蟹肉彈牙得黎亦好鮮甜。另外仲有厚切三文魚腩、大紅蝦同貝類海鮮，全部都好新鮮至於壽司方面，我叫咗幾款唔同嘅卷物，呢一款叫火山卷，上面有蟹籽同吞拿魚再加沙律醬，一齊食又幾配合呢一款係鵝肝卷，冇諗過鵝肝都可以用來做壽司，食得到裏面真係有一舊舊鵝肝，入口即溶，配埋飯一齊食感覺唔會太過油膩之後有牛油果龍蝦卷同軟殼蟹卷，兩份卷物嘅味道都好唔同，因為有牛油果嘅關係，所以減低左龍蝦卷嘅油膩感，感覺好健康。而軟
今晚屋企人煮唔切飯，臨時臨急唔知食咩好，又唔想專登落街食浪費一個口罩，所以就決定叫外賣。
一向都認為外賣多數都係叫Pizza或者炸雞，而今次屋企人就話想食海鮮同壽司，於是就到網上面搵有咩店舖可以提供海鮮到會服務，最後就搵咗呢一間鋪頭
落咗餐之後大約一個小時就有食物送到屋企，首先我哋叫咗三至四人海鮮拼盤，有大約10幾隻生蠔，分別係來自唔同嘅產地，所以有大有細，全部生蠔都已經剝咗殼，所以食嘅時候好方便，仲可以落檸檬汁同海鮮醬。食落去有好濃烈嘅海水味，蠔肉好新鮮，細隻嘅入口即溶，而稍為大隻嘅就有咬口，各有千秋。除此之外海鮮拼盤仲有好多唔同嘅海鮮，就好似長蟹腳，一拆出嚟就有好多蟹肉，蟹肉彈牙得黎亦好鮮甜。另外仲有厚切三文魚腩、大紅蝦同貝類海鮮，全部都好新鮮
至於壽司方面，我叫咗幾款唔同嘅卷物，呢一款叫火山卷，上面有蟹籽同吞拿魚再加沙律醬，一齊食又幾配合
呢一款係鵝肝卷，冇諗過鵝肝都可以用來做壽司，食得到裏面真係有一舊舊鵝肝，入口即溶，配埋飯一齊食感覺唔會太過油膩
之後有牛油果龍蝦卷同軟殼蟹卷，兩份卷物嘅味道都好唔同，因為有牛油果嘅關係，所以減低左龍蝦卷嘅油膩感，感覺好健康。而軟殼蟹卷就食到軟殼蟹嘅脆口，加埋蟹籽味道好豐富
最後仲有芝士鰻魚卷同吉列豬扒卷，鰻魚卷上面已經有鰻魚汁，所以唔需要再點醬油已經好夠味。至於吉列豬扒卷上面都有千島醬，同豬扒幾夾，酸酸地幾開胃
感覺好似叫得太多壽司咁，食完之後我哋四個都覺得好飽，感覺好滿足
張貼
