影片
更多
2020-03-03
92 瀏覽
一番工就最關心晏就有咩食有同事食過呢間日式料理，今日就諗住嚟試吓啦晏晝返來講都算幾多選擇，價錢算中上～前菜方面就有一碟野菜沙律～好欣賞佢夠凍，比起坊間嗰啲常溫嘅沙律已經優勝一大截配左麻醬幾清新～跟餐仲有一個湯，麵豉湯好清，但係又唔係好似水咁淡口嗰種，好啱我口味呢個日式蒸蛋比我想像中好食好有雞蛋香味，一啲都唔淡入面仲有啲冬菇同埋蟹柳絲，用來做前菜啱晒主菜我揀咗呢個極上魚生丼，總共有7款海鮮！有三文魚，帶子，甜蝦，蟹子，吞拿魚茸，仲有兩款魚生三文魚唔算好肥不過好有三文魚香味！帶子同甜蝦都好鮮甜全部海鮮都好新鮮呀另外要讚下佢啲壽司飯，煮得非常好味，軟硬非常適中，有少少壽司醋味，帶有少少黏口同事就叫左呢個叉燒烏冬～ 叉燒煮得好入味，而且好大塊，同平時出街食嘅日式叉燒好唔同～湯底係比較清淡嘅豬骨味，另外有淡淡冬菇嘅香味～ 清得來又唔會覺得好淡，啱晒女士食最後仲有個飯後水果，每人兩片木瓜～雖然價錢唔算平，但質素真係對得住個價錢！
晏晝返來講都算幾多選擇，價錢算中上～
野菜沙律
12 瀏覽
0 讚好
0 留言
前菜方面就有一碟野菜沙律～好欣賞佢夠凍，比起坊間嗰啲常溫嘅沙律已經優勝一大截配左麻醬幾清新～
跟餐仲有一個湯，麵豉湯好清，但係又唔係好似水咁淡口嗰種，好啱我口味
呢個日式蒸蛋比我想像中好食好有雞蛋香味，一啲都唔淡入面仲有啲冬菇同埋蟹柳絲，用來做前菜啱晒
極上魚生丼
$168
23 瀏覽
0 讚好
0 留言
主菜我揀咗呢個極上魚生丼，總共有7款海鮮！有三文魚，帶子，甜蝦，蟹子，吞拿魚茸，仲有兩款魚生三文魚唔算好肥不過好有三文魚香味！帶子同甜蝦都好鮮甜全部海鮮都好新鮮呀另外要讚下佢啲壽司飯，煮得非常好味，軟硬非常適中，有少少壽司醋味，帶有少少黏口
同事就叫左呢個叉燒烏冬～ 叉燒煮得好入味，而且好大塊，同平時出街食嘅日式叉燒好唔同～湯底係比較清淡嘅豬骨味，另外有淡淡冬菇嘅香味～ 清得來又唔會覺得好淡，啱晒女士食
最後仲有個飯後水果，每人兩片木瓜～
雖然價錢唔算平，但質素真係對得住個價錢！
張貼
