雲壽司 (已結業)

餐廳設計簡約，乾淨企理，多數既枱都會對住師傅，可以一路食一路望住師傅表演，絕對係十分優閒既享受，同出面繁囂既旺角形成強烈既對比🙈我地叫左兩個丼飯餐，海膽葱吞拿魚腩丼同吞拿魚三色丼，每個餐都配有沙律同麵豉湯😋先講個海膽葱吞拿魚腩丼，海膽大大舊既，唔姑寒，食落好新鮮，種回甘味由喉嚨散發出黎。吞拿魚腩即係吞拿魚蓉，又係多到好似肉餅咁，睇顏色都知係新鮮，每啖飯都可以連埋一大堆吞拿魚蓉一齊食，非常滋味👍吞拿魚三色丼有赤身，中拖羅同吞拿魚腩。一樣啦，魚生都係切到大大塊既，中拖羅油脂感十足，好重鮮味，有一種入口即溶既感覺，而赤身肉質就較有口感，味道都係唔錯既😍