明閣 (香港康得思酒店)

Cordis 酒店既 Chuan Spa 推出 Spa & Dine Package，而 Dine 就係喺呢間米芝蓮星級餐廳享用午市套餐。環境就相當唔錯，地方好大，好闊落，服務一流。先睇下嗰套餐餐牌，都幾豐富，但發覺甜品係蛋白杏仁茶，由於有敏感既關係，同服務員就安排以紅豆沙取代，相當甜心。每枱都會奉上兩個醬料，分別係XO醬同豆干醬，XO醬好鮮味，鹹度唔高，瑤柱同蝦米都有咬口，算唔錯。豆干醬味道就比較濃，配搭主食，個人覺得偏鹹。先黎既係明閣點心拼盤，全部新鮮即整，熱度十足👍🏻先講牛肝菌榆耳菠菜餃，菌味香濃，菠菜就純粹係皮既顏色，清清地，唔錯。再黎黑毛豬鹹水角，炸得好好，皮外面好脆，裡面軟糯，內餡豬肉有咬口，調味惹味，好食😋最後筍尖藍天使蝦餃，皮薄，大大粒蝦肉，又夠爽口，推介👍🏻👍🏻之後係天天老火湯，當日豬肉煲粉葛，夠晒火口，唔錯。再黎係黑皮雞樅菌炒蝦球帶子，非常出食，試過就明🤭🤭到鍋燒鮑魚粒瑤柱燴飯，味道ok 既，但偏油膩，而且沒咩鮮味，鮑魚粒同瑤柱大細粒，所以味道唔出，同埋口感唔夠好。最後紅豆沙就正常水平，不過不失。整體水準都幾好，值得再去。