Amina Modern European (已結業)

意外發現到哩間咁好味又高尚既西餐，唔少朋友睇左我影既相都表示好有興趣去試。總括用餐體驗係好滿意，每道菜式店員都會講解食材，同食客有唔少互動，食到中段大廚會出黎同我地打招呼，介紹下菜式，感受到佢地既真誠。每道菜式唔止好味，賣相都非常靚。餐包同牛油都係自家製，麵包好脆暖身，個牛油好香呀，同一般果d好唔同。前菜- 估唔到個外層係帶子刺身黎，好巧刀法，切得薄薄一層包住蟹肉，二味海鮮一會合太好味。湯-用上名貴既陳年金華火腿材料，第一次飲到白豆忌廉湯，口感creamy，奶白色，味道較為清淡，個配搭新鮮。意大利燴飯-用左辣肉腸同青蘋果等食材，味道係意料之內，反而個賣相就好特別，好精緻，彷如藝術品。主菜-香煎過既牛柳鎖緊肉汁，5成熟岩岩好，個醬汁同牛柳好夾，面頭既炸物估唔到係溫泉蛋黎，一切開蛋汁湧出，幾治療，整體好味！餐飲揀左桂花同洛神花茶，桂花好香呀，特別中意飲。