影片
更多
2025-03-23
1634 瀏覽
上星期一行二人到呢間餐廳食生日飯，食物質素可以，如果唔係當中見到有咁大衛生問題嘅情況出現都唔會寫下呢一篇評語。首先呢一間餐廳嘅侍應非常不專業，正常fine dining 餐廳進行tasting menu喺未完成眼前一味餸係唔會落第二道，但佢哋嘅Waiter喺我口入邊還未完成食物嘅時候已經要收碟落下一道。直至大約第九道菜嘅時候，我眼尾就有一隻老鼠喺餐廳入邊嘅近落地玻璃嘅內圍跑過，我立即通知當時嘅女職員，佢見到都好驚就通知一位男職員去處理。一開始隻老鼠跑到及躲在一張俾客人放手袋或者雜物嘅椅子邊， 該位男職員前後用咗幾分鐘，用一個裝wine 嘅冰桶處理, 因為最後隻老鼠走到餐廳最後排近另一個門口嘅位置, 當刻我哋淨係想快啲走人。嗰位男職員處理好之後都有過嚟通知，其他職員就如常繼續上最後嘅甜品，冇再出任何嘅道歉亦冇提出任何嘅賠償，最後甜品都未完成好就埋單走了。因為當時餐廳大部份客人都坐喺餐廳中央嘅枱並不是近窗邊嗰三張枱， 當我有企起身嘅時候該名女職員都希望我坐返低， 由於我都冇大叫而職員都冇好大動作，再加上餐廳環境昏暗，當時應該有大約五台食客都冇留意發生咩事。因為Lubuds係比較大既餐廳gr
首先呢一間餐廳嘅侍應非常不專業，
正常fine dining 餐廳進行tasting menu喺未完成眼前一味餸係唔會落第二道，但佢哋嘅Waiter喺我口入邊還未完成食物嘅時候已經要收碟落下一道。
直至大約第九道菜嘅時候，我眼尾就有一隻老鼠喺餐廳入邊嘅近落地玻璃嘅內圍跑過，我立即通知當時嘅女職員，佢見到都好驚就通知一位男職員去處理。一開始隻老鼠跑到及躲在一張俾客人放手袋或者雜物嘅椅子邊， 該位男職員前後用咗幾分鐘，用一個裝wine 嘅冰桶處理, 因為最後隻老鼠走到餐廳最後排近另一個門口嘅位置, 當刻我哋淨係想快啲走人。嗰位男職員處理好之後都有過嚟通知，其他職員就如常繼續上最後嘅甜品，冇再出任何嘅道歉亦冇提出任何嘅賠償，最後甜品都未完成好就埋單走了。
因為當時餐廳大部份客人都坐喺餐廳中央嘅枱並不是近窗邊嗰三張枱， 當我有企起身嘅時候該名女職員都希望我坐返低， 由於我都冇大叫而職員都冇好大動作，再加上餐廳環境昏暗，當時應該有大約五台食客都冇留意發生咩事。
因為Lubuds係比較大既餐廳group ，我自己都會去佢哋唔同嘅餐廳進餐，我亦都唔知職員有冇稟報上去，所以之後我都有打去專屬電話熱線通知番有呢一件事。 不過佢哋後台嘅處理令我更加嘩然。
1. 熱線同事話會了解吓事件之後再通知我，點知等咗三個工作天，該大集團餐廳竟然以WhatsApp作一個簡單嘅回覆，亦沒有親自電話覆我
2. 佢嘅回覆竟然話因為地方近西九文化中心，所以佢哋難控制, 亦解釋呢一隻”小動物”係來自西九公園
3. 我再親自打去問點解佢哋會咁樣處理， 佢哋再搵另一個同事回覆及解釋，亦冇打算作出任何賠償
………除咗餐廳有老鼠嘅驚嚇，我對呢一間餐廳及其集團嘅責任感，衛生程度，服務專業，投訴處理及安排都不敢恭維！
………呢一間餐廳及其集團嘅餐廳我都唔會再有興趣光顧
張貼