Bubble Tree (成業工業大廈)

營業中

休息中

我哋真係要努力留住小店，有質素嘅小店其實好值得大家支持。就好似呢間位於觀塘樓上小店，質素超好，價值亦比出面平。套餐一個主菜幾十蚊，加小食，甜品或者飲品，都只係加好少錢。一定要讚吓佢杯綠茶鮮奶，好濃郁而且就算加埋棉花糖或者朱古力等配料都唔需要額外加錢。主菜點咗煙肉卡邦尼蝴蝶粉，簡直係小朋友最愛，除咗因為煙肉好香，蝴蝶粉軟硬度啱啱好，最主要係佢加咗大量芝士，超級香濃非常好味。Crepe唔係度度可以食到，我見呢間六十零蚊就可以食到就試下，雖然我覺得佢唔夠香脆，不過真係好足料，大大隻啡菇，半個牛油果，隻蛋亦都處理得好好，如果喺中環食一定要過$100，呢度真心抵食。甜品加$30食到心太軟，朱古力唔會好甜，有流心嘅效果，最精彩係雪糕可以有綠茶味，小朋友最愛，成餐飯食得好開心，兩個人食到好飽$200有找，所以近年越嚟越鍾意幫襯小店，希望可以繼續支持，保留到多啲小店嘅特色。