Day One Cafe (駱駝漆大廈第三座)

營業中

休息中

觀塘駱駝漆大廈多食店，最近經過見到一間門面精緻嘅cafe，主打嘅Tiramisu Cappuccino 好吸睛，同朋友坐低一試😊 店子灰色水泥牆，黑色桌椅主調，空間感十足，坐得舒服。見有枱12人一齊拍枱坐仍夠鬆動，好適合一班人聚餐。DAY ONE CAFE蒜香蟹肉忌廉扁意粉$112 蟹籽新鮮飽滿，咬落索索聲。醬汁清淡唔會太濃稠，食到成口醬覺得膩，又唔搶蟹肉嘅味道，越食越香。意粉熟成剛好，掛汁好滋味🍝 配料有洋蔥、香菇，增添香味。重點嘅蟹肉一絲絲，味道鮮甜。蟹柳份量多，好夠食。Tiramisu Cappuccino $68呢個真係打卡able兼美味俱備✨ 上層泡沫化較企身，係Tiramisu嘅軟芝士，用黎點餅乾條食好香口！底層Cappuccino 用自家精品咖啡豆沖製，又涷又熱，兩種香味衝擊，值得一試😋 店員服務好好，教我點樣食呢杯甜/飲品，殷勤有禮👍🏻雞肉串(6串)$48貪心嘅我，仲嗌多份串燒試下灑上芝麻同照燒汁，肉質都不錯。