瑞樵閣

營業中

休息中

本身好少食瑞士菜，機緣巧合下黎到呢間位於半島酒店、十分馳名嘅瑞樵閣。一踏入門口已經感受到中歐國家嘅特色，餐廳內採用木頭作為主要室內裝飾，滿滿嘅温暖感。點餐前好溫馨咁送上餐前麵包，另外牛油好有講究，麵包擺盤亦都好grand，未食主菜前已感受到細節。前菜點咗蟹肉pancake同沙津。蟹肉pancake賣相冇咩特別，不過食落認真有驚喜，皮薄餡靚。pancake裏面超多蟹肉，而且肉質結實。鐘意食蟹嘅朋友絕對大推！主菜叫當然唔少得羊架同芝士火鍋。羊架鮮得黎保留少少原有嘅羶味，外層煎得好脆，配上適當嘅脂肪簡直係絕配。個人唔太鐘意食芝士，所以對芝士火鍋冇太大期望。一入口芝士味唔算太濃烈，配麵包食還算可接受範圍內。唯一特別嘅係芝士應該加入咗少少紅酒，口味都幾獨特。不過芝士味會愈食愈濃，去到最後我已經擺唔到入口。