影片
更多
2023-10-13
75 瀏覽
🫶🏻🫶🏻🫶🏻去九龍城唔一定食泰菜嘅，都有好多正宗嘅港式茶餐廳值得去食，聯發茶餐廳有好多新穎嘅菜式，例如漩渦蛋包西炒飯，炸午餐肉條，邪惡到不得了😈餐廳嘅裝修有種懷舊feel，但個環境都好乾淨企理，坐得好舒服😌👅漩渦蛋包西炒飯 $88喺茶餐廳食滑蛋就食得多，將滑蛋炒成漩渦蛋都幾吸引㗎！金黃色嘅炒蛋將啲炒飯包到實一實，蛋嘅份量都好多，識落又香又滑！但有少少茄汁味嘅西炒飯食落好開胃，仲加咗好多午餐肉粒一齊炒！食落超級滿足！👅蔥花滑蛋叉燒飯 $76從來未食過咁好味嘅滑蛋叉燒飯！啲叉燒好似唔使錢咁，份量多得來每嚿叉燒都咁大嚿，仲要係厚切半肥瘦叉燒！餐廳出名炭燒叉燒，唔知啲叉燒係咪都係炭燒嘅呢？炒蛋食落好嫩滑，完全唔老！加埋啲甜豉油落去一齊食，簡直係一級棒👍👅炸餐肉條配蛋黃醬 $32喺茶餐廳食炸薯條就食得多，炸餐肉條你又試過未？本身炸餐肉就已經係好邪惡嘅事，餐廳仲要落埋砂糖同埋蛋黃醬落去，邪惡道升級至極點！😂齋食炸餐肉就會好鹹，有砂糖中和下啲鹹味就變得好好味，點埋啲蛋黃醬，食完要落街跑返10個圈🤣下次食一定要汁另上😌👅絲襪奶茶每次去茶餐廳都會試茶餐名物絲襪奶茶！我嘅志願係試勻全港茶餐廳嘅奶茶🤣以我咁
去九龍城唔一定食泰菜嘅，都有好多正宗嘅港式茶餐廳值得去食，聯發茶餐廳有好多新穎嘅菜式，例如漩渦蛋包西炒飯，炸午餐肉條，邪惡到不得了😈餐廳嘅裝修有種懷舊feel，但個環境都好乾淨企理，坐得好舒服😌
👅漩渦蛋包西炒飯 $88
喺茶餐廳食滑蛋就食得多，將滑蛋炒成漩渦蛋都幾吸引㗎！金黃色嘅炒蛋將啲炒飯包到實一實，蛋嘅份量都好多，識落又香又滑！但有少少茄汁味嘅西炒飯食落好開胃，仲加咗好多午餐肉粒一齊炒！食落超級滿足！
👅蔥花滑蛋叉燒飯 $76
從來未食過咁好味嘅滑蛋叉燒飯！啲叉燒好似唔使錢咁，份量多得來每嚿叉燒都咁大嚿，仲要係厚切半肥瘦叉燒！餐廳出名炭燒叉燒，唔知啲叉燒係咪都係炭燒嘅呢？炒蛋食落好嫩滑，完全唔老！加埋啲甜豉油落去一齊食，簡直係一級棒👍
👅炸餐肉條配蛋黃醬 $32
喺茶餐廳食炸薯條就食得多，炸餐肉條你又試過未？本身炸餐肉就已經係好邪惡嘅事，餐廳仲要落埋砂糖同埋蛋黃醬落去，邪惡道升級至極點！😂齋食炸餐肉就會好鹹，有砂糖中和下啲鹹味就變得好好味，點埋啲蛋黃醬，食完要落街跑返10個圈🤣下次食一定要汁另上😌
👅絲襪奶茶
每次去茶餐廳都會試茶餐名物絲襪奶茶！我嘅志願係試勻全港茶餐廳嘅奶茶🤣以我咁多年飲奶茶嘅經驗，聯發嘅奶茶不過不失，茶味夠香濃，但係落多少少奶，飲落會更加滑！
👅雪糕咖啡 $38
估唔到喺茶餐廳都飲到啲咁特別嘅咖啡！將即磨熱濃縮咖啡倒落雲呢拿雪糕球上，散發出香甜嘅咖啡味！識飲咖啡嘅朋友仔一定要試吓原味咖啡！香濃得黎帶少少微酸，一飲醒腦提神😆撈埋啲雪糕一齊飲味道都唔錯👍出去coffee shop飲一杯，閒閒哋都要四廿幾五十蚊，一個字「抵」🤑
◽️🔸◽️🔸◽️🔸◽️🔸◽️🔸◽️🔸◽️🔸◽️🔸◽️🔸
📍聯發茶餐廳
九龍城侯王道2-4號地下1號舖
#moooveatfood #moooveat #moooveat九龍城#懷舊茶餐廳#滑蛋關注組#九龍城美食#聯發茶餐廳#邪惡美食#coffee#香港探店
2 瀏覽
0 讚好
0 留言
2 瀏覽
0 讚好
0 留言
22 瀏覽
1 讚好
0 留言
3 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
張貼
