喜記避風塘炒辣蟹 (謝斐道)

營業中

休息中

喜記避風塘炒辣蟹 (謝斐道) (灣仔)❣️現今時代，避風塘風格餐廳越來越少。呢間位於灣仔的喜記避風塘炒辣蟹就係好出名嘅元祖老店。保留了香港特色，有不少香港傳統經典菜式。晚餐時段人流超級旺，坐滿曬人！好熱鬧。🌟招牌避風塘炒辣蟹🦀️大量金黃色炸蒜，炸得啱啱好。既唔會太濕痴埋一齊，做到粒粒分明效果，又唔會乾到苦。每一口蟹肉都食到炸蒜，香脆可口。加上有濃香的乾辣椒和椒鹽粉，不但冇搶走蟹本身的味道，反而更加凸顯出蟹的鮮味。🌟椒鹽九肚魚拼魷魚🦑炸粉薄，九肚魚外脆內軟。沾上喼汁入口分散鹹味，然後椒鹽味後湧而出，同鬆軟的魚肉非常夾。口感味道都非常有層次。魷魚火候控制得啱啱好，完全唔韌。入口軟熟得來又有咬口，味道非常鮮。🌟椒鹽特大瀨尿蝦瀨尿蝦非常大隻。油炸完的瀨尿蝦再加入椒鹽炒香，鹹香惹味。仲可以保持蝦肉鮮味。而肉質口感彈牙鮮嫩，仲有蝦膏添！🌟豉椒炒蜆吐沙非常乾淨。入口蜆肉非常鮮甜，鹹度啱啱好，非常有鑊氣。好大碟，食極都仲有。🌟鹹肉韭菜花鹹豬肉鹹香十足，搭配清甜的韭菜花，雖然簡單，但十分美味可口。而且非常有鑊氣。