影片
更多
2021-02-22
1060 瀏覽
今日男友幫朋友完成咗個BIG PROJECT後，為咗慰勞男友嘅辛勞，我地兩個就去咗黃埔搵嘢食。忽然間想食中菜，就上咗去美食坊搵嘢食喇！睇到「詠藜園」個金漆招牌，諗返起佢地喺香港歷史咁悠久，但係我仲未幫襯過，就不如去試吓佢地嘅招牌擔擔麵啦！我地揀咗五樣嘢食，有擔擔麵、生煎包、楊家小湯包、酸辣水餃同埋我至愛嘅水晶肴肉。諗住每樣試吓味道如何！水晶肴肉最快送到，我率先試咗味！佢有些少花椒八角嘅調味，肉質比起一般坊間較高檔次嘅「鼎＿豐」結實，較有咬口。口腔內的湯汁歷久不散，令人忍唔住一件接住一件！至於最有驚喜嘅反而係小湯包，果然係皮薄肉汁多，好想再食多幾隻啊啊啊！至於生煎包同酸辣水餃則不過不失。另一招牌擔擔麵有香濃花生醬味，湯汁不太杰但卻油膩，肉碎沉在碗底。怕油膩的朋友最好唔好飲曬啲湯啦！
睇到「詠藜園」個金漆招牌，諗返起佢地喺香港歷史咁悠久，但係我仲未幫襯過，就不如去試吓佢地嘅招牌擔擔麵啦！
我地揀咗五樣嘢食，有擔擔麵、生煎包、楊家小湯包、酸辣水餃同埋我至愛嘅水晶肴肉。諗住每樣試吓味道如何！
水晶肴肉最快送到，我率先試咗味！佢有些少花椒八角嘅調味，肉質比起一般坊間較高檔次嘅「鼎＿豐」結實，較有咬口。口腔內的湯汁歷久不散，令人忍唔住一件接住一件！
至於最有驚喜嘅反而係小湯包，果然係皮薄肉汁多，好想再食多幾隻啊啊啊！
至於生煎包同酸辣水餃則不過不失。另一招牌擔擔麵有香濃花生醬味，湯汁不太杰但卻油膩，肉碎沉在碗底。怕油膩的朋友最好唔好飲曬啲湯啦！
張貼
