影片
更多
2021-04-08
4216 瀏覽
沒想到在工廠區小店也吃到正宗意大利薄餅，手工即叫即製夠新鮮，橄欖油也絕對沒在吝嗇，叫套餐同朋友同事分享食又豐富又抵食，真係一個隱秘好去處！在工廠臨立的荔枝角區藏了一間意大利薄餅店，門口看起來也不怎麼樣，推門進去才發現別有洞天。入面裝修非常清新，雲石桌加白色椅，整個亮麗清爽，氣氛都幾悠閒舒服，唔記得自己身處工廠地帶。牆上掛了一些跟薄餅有關的彩色海報，有點朝氣之餘又不會太俗。連店面都叫 Pizza，來這裡沒可能不吃薄餅！餐廳一共提供16款口味，當中有四款屬素食，菜式名後面都有(V)標記。午市來用餐選套餐就比較抵食，價錢基本上同散叫一樣，但就附送餐湯和飲品，另外也可以用優惠價HK$18加配薯條、意粉或蛋糕，同朋友同事分享食最適宜。散叫除了意粉和薄餅，也有一些沙律小食之類。還有兒童餐和下午茶餐可以揀呢！餐湯是洋蔥湯，喝下去香氣十足，它是有好多洋蔥和蘑菇片可以咬的那種清湯，不是忌廉西湯。味道非常香濃，胡椒和調味都頗重手，剛好很適合重口味人士我本人。套餐飲品可以揀咖啡、茶、朱古力或汽水，凍飲和特飲要再加錢，我揀了英國早餐茶，沒想到用有機茶包咁講究，又幾有驚喜喎。瑪嘉麗塔 HK$118 (V)我成日
沒想到在工廠區小店也吃到正宗意大利薄餅，手工即叫即製夠新鮮，橄欖油也絕對沒在吝嗇，叫套餐同朋友同事分享食又豐富又抵食，真係一個隱秘好去處！
在工廠臨立的荔枝角區藏了一間意大利薄餅店，門口看起來也不怎麼樣，推門進去才發現別有洞天。
入面裝修非常清新，雲石桌加白色椅，整個亮麗清爽，氣氛都幾悠閒舒服，唔記得自己身處工廠地帶。
牆上掛了一些跟薄餅有關的彩色海報，有點朝氣之餘又不會太俗。
連店面都叫 Pizza，來這裡沒可能不吃薄餅！餐廳一共提供16款口味，當中有四款屬素食，菜式名後面都有(V)標記。
午市來用餐選套餐就比較抵食，價錢基本上同散叫一樣，但就附送餐湯和飲品，另外也可以用優惠價HK$18加配薯條、意粉或蛋糕，同朋友同事分享食最適宜。
散叫除了意粉和薄餅，也有一些沙律小食之類。
還有兒童餐和下午茶餐可以揀呢！
餐湯是洋蔥湯，喝下去香氣十足，它是有好多洋蔥和蘑菇片可以咬的那種清湯，不是忌廉西湯。味道非常香濃，胡椒和調味都頗重手，剛好很適合重口味人士我本人。
套餐飲品可以揀咖啡、茶、朱古力或汽水，凍飲和特飲要再加錢，我揀了英國早餐茶，沒想到用有機茶包咁講究，又幾有驚喜喎。
瑪嘉麗塔 HK$118 (V)
我成日都覺得最簡單只有蕃茄醬和芝士的薄餅就最好食，所以唔理有幾多選擇，十次有九次都係食返 Margarita。這裡是正宗薄批意大利薄餅，餅底烤得香脆，嚼勁口感也很不錯。蕃茄醬夠香濃，芝士比想像中更澎拜，最正當然係橄欖油毫不吝嗇，咁先係意大利薄餅嘛！
薄餅唔好切咁多塊咪一定食得晒囉！XDD 9吋批底其實唔算好大個，一個人都可以消滅佢。
加錢點了甜品，可以自己揀香蕉蛋糕或Tiramisu，來食意大利菜當然係要食 Tiramisu 啦！不過這裡的甜品就不算有特色，估計都係入貨返來的切餅蛋糕，消化餅底略厚，蛋糕尚算香甜幼滑，味道唔算好突出。
我成日以為荔枝角工廠區沒甚麼好吃，沒想到路邊一間薄餅店都唔錯，在附近工作的話記得mark低啊。
張貼
