甜圓坊

營業中

休息中

其實我都係最近先知深水埗這間台式小食店備受好評，今日食完飯經過見有開門即刻買碗芋圓做甜品先！深水埗除了文青咖啡店，中間都夾雜左好多特色食店架。這間就主打地道台式美食，之前因為疫情停開一排，最近重開仲延長左營業時間，中午12點就開門，所以我先有機會食到。芋圓和剉冰都非常受歡迎。鹹食有飯麵也有蛋餅，吃蛋奶方便素的話可以揀起司蛋餅之類。甜品有各種糖水、仙草和剉冰，選擇都算幾多。入面就係街坊小店式裝修，簡簡單單方正實用。嫩仙芋奶凍 HK$32 (凍)第一次來吃就點這個招牌名物，一碗吃齊各種配料嘛。底層是嫩滑但唔太濃味的仙草凍，配料有薏米、紅豆、綠豆仁、珍珠、湯圓、地瓜圓和芋圓等等，糖水唔會太甜，綠豆仁和紅豆咬落略硬。各種配料當中最出色的絕對係芋圓和地瓜圓，食得出真材實料好味道。下次再經過或者可再試下個蛋餅，甜品的話要芋圓和地瓜圓是必須的，其他配料就沒甚麼所謂。