浮生 (已結業)

浮生剛開業的時候去飲過一次，最近先知佢地都有做素定食，所以又行過去幫襯下。用 Impossible 漢堡扒做主角的日式定食簡簡單單，配菜份量比想像中少，較適合細食的朋友。咖啡店剛開業的時候都蠻多人來打卡，現在平日算悠閒，這天中午12點零鐘來到可以隨意坐，一點過後食飯時間就比較多人了。店內座位其實唔多，日本簡約風格，近門處的螢幕有書本段落投影。講起浮生，前排上創業班的時候，阿sir 有提及咖啡店老闆的創業故事，再來這邊喝咖啡覺得親切 XD。店內亦有賣咖啡豆和濾掛包等等。食物都係日式輕食，素選項有一款定食和一款麵食。咖啡飲品的選項都係標準。是日蛋糕是雪白的玫瑰卷蛋。Latte HK$42這裡的咖啡是口味偏甜那種，可以喝到牛奶味，感覺比較女性化。A4 山賊汁燒漢堡肉(素) HK$96 + B5 金平牛蒡(素) B6 醋漬蘿蔔(素)一場來到諗住一次過試齊定食餐牌上面的「素」選項，九十幾蚊的餐，三碟配菜看起來都好孤寒，個金平牛蒡一啖就食晒，而且太乾身。素扒應該是 Impossible 豬柳原塊煎香再加個汁，整個定食的成本應該就只係塊扒，感覺不算太有誠意的素餐。