蘇媽.蘇媽馬來西亞茶餐室

營業中

休息中

鍾意食馬來西亞嘢食嘅我同男朋友今日又出動啦，今次嚟左呢間蘇媽蘇媽試試佢，男朋友叫左三層肉肉骨茶，我叫左檳城福建蝦麵，同埋叫左份海南鴛鴦燒麵包。三層肉肉骨茶入面有肥瘦夾雜的三層肉加上索湯的豆卜同金菇，真係非常好味，肉骨茶的湯底藥材味非常濃郁，飲湯落肚成身都暖晒，而且啲湯唔夠仲可以加，真係飲湯都飲到飽。檳城福建蝦麵用蝦熬煮而成的湯頭混合特制嘅特辣參巴醬，帶啲微辣，蝦醬味道更明顯，更重鮮味。碗麵有蝦、魚片、豬腩肉、雞蛋、通菜同芽菜，都算多料。麵底配油麵加米粉的滲滲，麵底都好索湯。鍾意食咖央多士嘅我哋點會放過海南鴛鴦燒麵包，咖央多士除左普通麵包，仲有啡色嘅燒麵包，兩種都好好食，咖央醬好足料，加埋厚厚冰凍嘅鮮牛油，極之邪惡但好滿足，果然間唔中係要放縱下。我個人都幾推薦大家嚟試下呢間馬來嘢，好適合重口味嘅人同突然感受下馬來西亞Feel嘅人，值得嚟食。